Новинки

Вы решили издать книгу?
Наше издательство поможет Вам сделать это быстро и качественно.
Мы предлагаем полный спектр издательских услуг.

 

Связаться с нами

Самырык возгалыше-влакын сылнымут памашыштат нигунамат кошкыде, шӱм-чонышт гыч йыргыктен йоген лекше да марий лудшым ончыкыжымат куандарыже манынак, очыни, В.Абукаев-Эмгак лўмеш «Ший памаш» сылнымут конкурсым шонен лукмо. Тений тудо ынде кудымшо гана эртаралтеш. Тудо моло ийысе гаяк талук мучаште, 26 декабрьыште, Марий Элын калык писательже В.Абукаев-Эмгакын шочмо кечынже иктешлалтеш. Амалжат келшен толшо, вет тений тудын шочмыжлан 60 ий темеш. Тидымак шотыш налын М.Шкетан лўмаш Марий кугыжаныш драме театрыште сылнымут мастарын «Алиса, Анфиса, Аниса» комедийжым пытартыш гана ончыктат. А спектакль деч ончыч «Ший памаш» сылнымут конкурсым иктешлат: 2018 ийысе эн сай поэзий номинацийыште «Кинде шинчал» премийын лауреатшым, эн сай прозо номинацийыште «Ошкеча» премийын, эн сай теле-, радиожурналист паша, блогер номинацийыште «Канде толкын» премийын озажым палемдат.

Тыгак тений икымше гана М.Шкетан лӱмаш Марий кугыжаныш драме театрын сценыштыже конкурсышто кызыт да моло ийлаштат ойыртемалтше-влаклан, сылнымут аланыште тыршыше, мер пашаште ойыртемалтше чолга еҥ-влаклан «Ший памаш» фондын вуйлатышыже писатель Василий Краснов, мут толмашеш, лач тудо самырык автор-влакым кумылаҥдаш тыгай таҥӱчашым эртараш темлен да премийлык оксам, медальым лукташ шийвундым ойырен, уста сылнымут мастар лӱмеш лукмо медальым кучыкта.

Икманаш, усталык кас весела, оҥай да шарнаш кодшо лийшаш.