Новинки

Илебаева
Илебаева
Семенова
Семенова
nik
nik
svetlov
svetlov
Анисимов, Эврик Васильевич. Садерышке почмо окна
Анисимов, Эврик Васильевич. Садерышке почмо окна
Государственные символы Российской Федерации и Республики Марий Эл
Государственные символы Российской Федерации и Республики Марий Эл
Панов Владимир Михайлович. Беглянка
Панов Владимир Михайлович. Беглянка
Новоселов Александр. Ступени творчества
Новоселов Александр. Ступени творчества

Вы решили издать книгу?
Наше издательство поможет Вам сделать это быстро и качественно.
Мы предлагаем полный спектр издательских услуг.

 

Связаться с нами

 30 январьыште Национальный президентский школ-интернатыште тунемше-влаклан «Марий книга издательствыште» савыктыш пӧртыштӧ лектын шогышо «Ончыко», «У сем», «Кече-Солнышко» журнал-влак дене палдарыме вашлиймаш эртаралтын. Литературно-театральный 5 Б классыште шинчымашым таптыше-шамыч коридорыштак кумылын вашлийыч. Журнал-влакым кид гыч кидыш колтыльыч, тунамак йодышташ тӱҥальыч. Классыш пурымек, поро кумылышт, шуко палаш тыршымышт, уш-акылым пудыратымышт утларак шижалте. Кидым нєлтен, йодышым пуэдыше, йӱлышӧ шинчан 20 утла икшыве ӱмбакет онча, кузе газет, журнал ышталтмым колыштеш, тӱткын эскера. Журналын содержанийже, вуймутын сӧраллыкше, текстын шинчаш пернымыже, куштылгын лудалтмыже, фото ден сӱретын сылнылыкше да моло нергенат палымышт шуэш. Йоча-шамычын утларакше почеламутым, ойлымашым, зарисовкым возаш кумылышт лекте. Оршанке район Ильинке поселко гыч 12 ияш Талвий Абрамов тунамак ныл корнан почеламутым шочыктыш да чеверласыме деч ончыч кушкедме блокнот лаштыкшым кидыш шуялтыш.

Йоча-влакын куанлан мучаш уке – таумутым каласен, эше вес гана мияш ӱжыч. Шкештат туныктышышт Эльвира Михайловна Исакова дене пырля экскурсий дене савыктыш пӧртышткына толаш сӧрышт.

Тыге огыл мо марий йоча сылнымут деке шӱмаҥеш? Ала, ныл корнан почеламут гыч тӱҥалын, келге шонымашаным возаш тунем шуэш? Ала, илен-толын, кужу поэмым, ойлымашым, повестьым шочыкта? Ала журналистике велыш лупшалалтеш?

Е.Тетерина