Богданова Зоя Семеновна. Шўм-чон сескем: повесть, ойлымаш, илыш сÿрет. - Йошкар-Ола: «Марий книга издательстве» савыктыш пöрт, 2017. - 240 с.

Кужэҥер кундемын ÿдыржö, Параньга кундемысе Элпанур школышто пеш шуко ий йоча-влаклан шинчымашым пуышо Зоя Семёновна Богданова сылнымутланат моткоч шÿман. Ойлымаш-влакше периодикыште шагалак огыл савыкталтыныт. А «Ончыко» журналым лудшо-влак «Шÿм-чон сескем» чонпогыж дене палыме лийын кертыныт. Тудым автор «Илышем гыч повесть» манын лÿмден ыле. Ты произведенияк З.С.Богданован лудшо-влаклан
темлыме книгаштыже рÿдö верым налеш.

Автор марий сылнымут йылмым моткоч сайын пала, повесть ден ойлымашлаштыже, сылнымутан очерклаштыже сюжетым моштен чоҥа, геройжо-влакын койыш-шоктышыштымат пеш сайын почын пуа. Икманаш, тудын сылнымут усталыкше раш палдырна. Возымаштыже тудо шке илышыж нерген каласкалымыж гоч иктаҥаш тукымжын эртыме суапле илыш корныжым да паша надыржым акла, тудын дене уло шÿмжö вошт кугешна, у тукымын
пÿрымашыж верч тургыжлана.