Геннадий Алексеев. Сулык [Грех]: повесть. - Йошкар-Ола: «Марий книга издательстве» савыктыш пöрт, 2016. — 208 с.
Писатель Геннадий Алексеев «Сулык» повестьшым 2000-ше ийла тÿҥалтыште кошартен. Устан, уло шÿм-чоным пыштен, моткоч лывырге йылме дене возымо произведенийже тачат куштылгын лудалтеш. Вет тудын темыже курымашлык — нигунам мондалтдыме, шÿмеш келгын пижын шичше волгыдо икымше йöратымаш.
Повесть чоҥымо сюжетшым пеш оҥайын, мастарын чумырымо. Кажне савыртышыже лудшым авалта, произведенийым умбакыже лудаш тарата. Автор у йöнымат кучылтеш: кажне глава тÿҥалтыште Библий гыч ужашлам пуртен кая. Нунышт умбакыже действий мо нерген кайымым важмалдыкын ончылгоч туштен каласат.
Книгам Марий Эл Республикын "2013-2020 ийласе жаплан Марий Эл Республикын кугыжаныш национальный политикыже'' кугыжаныш программыж почеш савыктыме