Сергей Николаев. Салика: пьесе, шарнымаш, статья / Г.З.Зайниев ямдылен. Йошкар-Ола: «Марий книга издательстве» савыктыш пӧрт, 2018. – 334 с.: ил.

Тиде книга Марий АССР-ын калык писательже Сергей Николаевын шочмыжлан 110 ий да тудын «Салика» музыкальный комедийжым икымше гана шындымыжлан 80 ий теммылан пӧлеклалтеш. Тышке драматургын тиде чапланыше пьесыжым (марла да рушла), «Годы творческих поисков» шарнымаш орлаҥгыжым, тӱрлӧ жапыште шындыме «Салика» спектакль-влаклан возымо ятыр рецензийым пуртымо. Изи огыл верым С.Николаевын шындыме да шындыдыме моло пьесылаж нерген обзор, репрессий пагытым почын пуышо, документальный очерк да молат налыт.

Книгам Марий Эл Республикын «2013-2020 ийласе жаплан Марий Эл Республикын кугыжаныш национальный политикыже» кугыжаныш программыж почеш савыктыме.