У Торъял район рӱдӧ книгагудо 120 ияш лӱмгечыжым палемдыш. Кугу пайрем вашлиймашыш шуко лудшо, уна-влак погыненыт ыле. Эртыме корно дене толшо-влакым книгагудо директорын алмаштышыже Л.А.Крюкова радамын палдарыш, лудшо-влакын чотыштым шарышаш верч тыршыше-влакын лӱмыштым ойырен ончыктыш, ветеран-влаклан шергакан пӧлекым кучыктыш.
Книгагудо коллективым чапле юбилей дене Марий Эл Республикысе тӱвыра, печать да калык-влакын пашашт шотышто министрын алмаштышыже А.Н.Луничкин саламлыш. Вашеш мутым ойлышо-влак икоян коллективым чапле юбилей дене шокшын саламлышт, шуко пӧлекым кучыктышт. Марий Эл республикын калык артистше Светлана Строганова шӱм гыч лекше сылне у муро дене куандарыш. Районысо художественный самодеятельностьын уста коллективше-влакат чапле муро пӧлек дене толыныт, марла да рушла икмыняр мурым йоҥгалтарышт.
Борис Редькин.