Кырык мары район Кулаково кӹдӓлӓш школышты Российӹштӹ театр и лӹмеш пӓлемдӹмӹ «Н. Игнатьев лӹмеш XIX лыдмаш: «Кырык марывлӓ истори дӓ культура контекстїштӹ» и йӹде эртӓрӓлтшӹ кымдем кўкшӹцін научно-практический конференци эртен. Лингвистика, литература, фольклор, истори наука дӓ образовани, культура дӓ искусство секцивлӓштӹ – цилӓжӹ 11 секци – шукы яжо докладым шӹмлӹзӹвлӓ, тымдышывлӓ, МарГУ-н студентвлӓ, музейїштӹ дӓ библиотекӹштӹ пӓшӓлӹшӹвлӓ ӹштенӹт.
Конференцим пачмашты кымылангдымы шамакым Мары Эл Республикӹн Правительство Председательӹн икшӹ заместительжӹ М.З. Васютин, «Кырык мары муниципальный район» МО-н глава А.В. Гурьянов, Кырык мары муниципальный район администрацин глава Н.Н. Арганякова дӓ молат келесенӹт.
Конференци годым «Ши памаш» («Серебряный родник») пуры кымылым анжыктышы фондын Мары Элїн халык писательжӹ, поэт В.Абукаев-Эмгакым ӓшӹндӓрӹмӹ лӹмеш лыкмы памятный медальжым пумы. 2018 ин «Сек яжо проза» номинациштӹ сӹнгїшӹшкӹ лӓкшӹ Татьяна Евгеньевна Труфановам дӓ культурым, сӹлнӹшаям виінгдӹмішкӹ кого шытырым пиштӹшӹ «Кырык мары муниципальный район» МО-н тӹнг специалистшӹ Раисия Николаевна Салдаевам ти медаль доно пӓлемдӹмӹ. «Ши памаш» фондын президентшӹ – В.В. Краснов.
Конференцишкӹ толшы халык «Мары книгі издательство» издательский пӧртӹштӹ лікшӹ книгӓвлӓм ді «У сем» журналым нӓлӹн кердӹн.
Л.Ягодарова, "У сем журналын тӹнг редакторжӹ
