Тений 1 гыч 6 июнь марте Моско столицынан рӱдӧ площадьыштыже "Йошкар площадь" книга фестиваль ынде визымше гана эрташ тӱҥалеш. Ты гана тиде мероприятий руш кугу писатель А.С.Пушкинын шочмо кечыжлан да руш йылмын Кечыжлан пӧлеклалтын. Площадь Василий Блаженный собор гыч тӱҥалын Исторический тоштер марте угыч книга дене темеш.
Ты мероприятийын пашашкыже Россий мучко 400 утла издательстве ушнышаш. Нунын коклаште "Марий книга издательстве" савыктыш портат лиеш, калыкыш пытартыш у книгаже-влакым луктеш. Москошто илыше марий-влакат нунын дене лишкырак палыме лийын кертыт. Садлан чыладамат Йошкар плащадьыште уло кумылын вучена.