Шочмо сылнымутнам вияҥдыме пашалан Морко район шагал огыл эргым да ӱдырым ончен куштен. Нунын дене кундемыште кугешнат, эре шарнат, ты пашашке самырык вийым ушаш полшат.

Эҥерӱмбал Шале ялеш шочын-кушшо Аркадий Букетовынат лӱмжым раойнын чапланыше еҥже-влак радамыш кокытеланыде пуртат. Кугу шинчымашан, партий пашаште шуаралтше, пӱсӧ журналист перо дене ойыртемалтше еҥ поэзий аланыштат шкенжым кычалын. Сылнымут пашажым почеламут вич книгаже шарныкта. Газет редакцийлаште тыршен ыштымыжлан «Марий Эл Республикын заслуженный журналистше» чаплӱмым пуымо.

Ныл икшыван ачам да еш озам шарныме лӱмеш Морко райрӱдыштӧ тудын илыме пєрт пырдыжеш шарнымаш оҥам почмо лӱмеш кугу митинг лие. Тудым почшыжла Морко муниципал  район депутат-влак погынымашын председательже  С.М.Иванова Аркадий Иванович Букетовын эртыме илыш корныжым порын радамлыш. Район администраций вуйлатышын алмаштышыже А.Г.Васильев журналист да поэтын чапле пашаж дене районышто кугешнымым палемдыш. Умбакыже ойлышо-влак «Марий книга издательстве» савыктыш пєӧртын директоржо Ю.И.Соловьев, «Ончыко» журналын редакторжо Б.А.Шамиев,  «Морко мланде» район газетын тӱҥ редакторжо А.А.Титов, культур пашан ветеранже А.В.Якушева поро еҥ дене  пырля пашам ыштыме жапыштым шарналтеныт. Поэтын ӱдыржӧ Галина Аркадьевна ачажлан пӧлеклыме почеламутшым рушла шергылтарен.

 Ю.Косатан, Б.Редькин