Тамара Петрован (Денисован) «Омын іль лачокшымат?» пїтіришї книгіжї лікмї лїм доно Кырык мары район Микрік кїділіш школышты презентаци эртен. Ти книгім «Мары книгі издательство» издательский пєрт Мары Эл Республикїн «2013–2025 ивліштї Мары Эл Республикїн кугижіншї национальный политикїжї» кугижіншї программа семїнь лыктын. Тїшкї тетялык шайыштмашвлім дӓ ямаквлім пыртымы. Комьютерный вёрсткым С.Г. Куклина їштен, яргата рисункывлі доно С.А. Тупицына сїлнештіріш палшен. Редакторвлі – Н.В. Лихачева ді Л.П. Ягодарова.

Презентацим яжон эртӓрӓш тӹнгӓлтӹш классвлӓштӹ тыменьшӹвлӓ дӓ нӹнӹн тымдышывлӓштӹ: В.И. Митина, Л.Г. Сильдушкина, С.И. Титова – палшенїт. Тетявлӓ «Кок цӹвигӹ» (2 кл.), «Тымана игӹ» (3 кл.), «Тошты хӓдӹр» (4 кл.) ямаквлӓ мычкы шӹндӹмӹ сценкӹвлӓм мадын анжыктенӹт дӓ сирӹзӹм сусуэмденӹт. Презентацишкӹ Йошкар-Ола гӹц Россий писатель ушемӹн эдемжӹ, поэт Валентин Афанасьев миэн. Тӹдӹ книгӓм ланзылен лӓктӹн дӓ техень иктешлӹмӓшӹм ӹштен: «Пиш керӓл книгӓ, тӹдӹ кырык мары литературыш у шӱлӹшӹм пыртен. Тамара Елисеевна тетя психологим келгӹн пӓлӓ дӓ нӹнӹм лыдаш кымылангда». Микрӓк библиотекӹштӹ пӓшӓлӹшӹвлӓ А.М.Васютина, С.Н.Элянова кого палшыкым пуэнӹт. Пуры шамаквлӓм В.Ф. Сильвестрова, С.К. Сидоркина, Г.А. Семьянова, Л.А. Илдаркина, Г.А. Акулькина, Е.П. Митрюшкина, Т.Н. Митрюшкина дӓ весӹвлӓӓт келесенӹт.

«Омын ӓль лачокшымат?» книгӓ Тамара Петрован (Денисован) пїтӓришӹ кӓцкӹжӹ ылеш.