«Марий книга издательстве» савыктыш пӧрт але гына черетан у антологийым луктын. Тудо «Пеледалтше шошо» маналтеш, кок книга дене лектын. Книгам Марий Эл Республикын 100-шӧ идалыкшылан пӧлеклалтше мероприятий программе почеш савыктыме.

Тиде – йоча прозо антологий, тудо Российысе тӱрлӧ калыкын сылнымут мастарыштын мутсаскаштым: ойлымаш да йомак-влакым – марлаш кусарен темла. Чылаже 34 авторын возымышт тышке пурен. Книга-влак тӱжвал комышт денат, кӧргӧ сылнымут поянлыкышт денат чапле, марий йочам шочмо йылме дене сымыстарыше улыт.

Тиде ойпого – марий калыкын автономийжын чапле лӱмгечыжлан тыгаяк чапле пӧлек.