«Марий книга издательстве» савыктыш пӧрт икшыве-влаклан, тӱҥ шотышто икымше клссыш каяш погынышо-влаклан чапле пӧлекым – «Марий калыкын илыш азбукыжо» книгам ямдылен. Тудым марий да руш йылмыла дене лукмо. Книга марий калыкын культурыжлан пӧлеклалтын. Марий-влак Юл кундем кыдланысе ик эн акрет годсо финн-угор тукым калык. Сандене «Азбука» книган задачыжак тыгай: пӱртӱс дене таҥлалт илыше калыкым шинчымашым пойдарыме культура поянлыкым моштен кучылтмо ойыртемышт дене самырык тукымым кумданрак палдараш. Тыгаяк задаче дене савыкталтше вес книган лӱмжӧ - «Пырля лудына». Тудо сылнымут погын тӱрлӧ жанржым авалта. Тушко марий фольклор поянлыкым - мурым, йомакым, мыскарам, туштым, йыгырмутым да молымат пуртымо. Кок нигажымат икшыве-влакын шинчымашышытым пойдараш манын лукмо.

Шерге лудшо йолташ-влак! Те нине книгам 1 сентябрьыште икымше классыш каяш ямдылалтше икшыве-влаклан пӧлеклен кертыда. Тидлан Те, «Марий книга издательствыш» толын, заявкым ыштен кертыда, тушто могай школлан мыняр книгам пӧлеклаш шонымыдам ончыктеда да оксам тӱлен кодеда. Умбакыже нине-книга-влакым кӱлеш адрес дене ме централизованный йӧн дене шке намиен шуктена. Тушто меценат-влакын лӱмыштымат ойырен ончыктена.

Сайтнам эскерен шогыза. Ончыкыжым кажне школыш мыняр йоча икымше классыш кайыме спискым вераҥдена.