«Мом таче ышташ лиеш, эрлалан кодыман огыл» манме калыкмутым шарналтен, теве мо нерген шижтарынена: икымше классыш кайыше икшыве-влаклан книга пӧлекым кучыктымо йӧным умбакыже шуена, суапан сомылым кидышкыдак кучыктена.
Поро кумылым пуаш мелын-влак тидым идалык мучко ыштен кертыт. Тидлан мемнан деке, «Марий книга издательстве» савыктыш пӧртыш гына толман (Панфилов урем, 39-ше пӧрт, кумшо пачаш). «Марий калыкын илыш азбукыжо» («Живая азбука народа мари») да «Пырля лудына («Читаем вместе») книга – йоча-влаклан пеш сай да кӱлешан пӧлек лиеш.
Акций эртымеке, кажныжын лумжым сайтыштына да газет-журнал гоч ончыктена. Тау!
«Марий книга издательстве» савыктыш пӧрт