Марий книга савыктышын акцийышкыже ушнен, Марий калык конгрессын председательже Эдуард Иманаев да исполком вуйлатыше Володя Матвеев Волжский районысо Пӧтъял школын икымше классыш кайыше 13 тунемшым 1 сентябрь дене саламленыт да пӧлек шотеш республикыштына шукерте огыл савыкталт лекше «Пырля лудына» да «Марий калыкын илыш азбукыжо» книгам кучыктеныт. Нуно коктынат ты школын выпускникше улыт.
 

 
Фотом «Волжские вести.Юл увер» газет редакций гыч налме