"Марий книга издательстве" савыктыш пӧрт Христофор Фокеевич Балдаевын "Русско-марийский словарь биологических терминов" книгам савыктен луктын. Икымше изданийже 1983 ийыште лектын. Тудым автор ятырлан уэмден ешарен, у книга семын ямдылен.

Книгам Марий Эл Республикын "2013-2025 ийласе жаплан Марий Эл Республикын кугыжаныш национальный политикыже" кугыжаныш программыж почеш савыктыме.

Тиде изданийыште 4,5 наре шомак ден выраженийым пуымо. Тыгак агрономический, зоотехнический, ветеринарный, медицине термин-влакым пуртымо, нунат биологий дене чак кылдалт шогат. Руш йылме гыч олыкмарлашке да курыкмарлашке кусарыме. Южо руш мутшым марла ик шомак дене каласаш неле, южгунамже огешат лий, тидын годым описаний манме йӧн дене умылтарыме.

Пайдаланыме могырым ончалаш гын, мутер эреак кумдан кучылташ ямдылалтеш. Тиде книгат тунемше ден туныктышо-влаклан, студент ден специалист-влаклан, тыгак шочмо пӱртӱсым йӧратыше да шымлыше, кушкыш ден янлык-влакым эскерыше-влаклан ӱстембал книгашт лийын сеҥа.

Снимкыште: Христофор Фокеевич Марий книга издательствын тӱҥ редакторжо Надежда Лихачева дене пырля.