Какшамарий историй тоштерыште «Пырля лудына» пайремым эртарыме. Йоча-влак «Кече/Солнышко» журналын январьыште лекше номержым лудыныт. Тушто почеламут, ойлымаш, тушто да йомак-влак савыкталтыныт.

Чыла материалым Марий Эл Республикын тӱрлӧ районлаште илыше ӱдыр-рвезе-влак серат. Лудмашыште эн чот «Йӱштӧ Кугызан юзо пеледышыже» йомак чылаштлан келшен. Тудым Параньга районысо Ернур школышто тунемше Замир Габдрахманов возен. Чыланат палат, 30 январьыште Йӱштӧ Кугыза ден Лумӱдырын шочмо кечышт.

Тиде пайрем йоча-влаклан телым, пӧлекым ушештара. Садлан йоча-влаклан лачка йокмам ямдылыме. Но тудым налаш манын, икмыняр задачым рашемдаш темлыме. Кампет-влакым тошто висаште чын висен, чыла йочалан иктӧр пайлаш кӱлын. Тиде висам шукерте огыл тоштерлан Какшамарий села гыч Любовь Юрьевна Бахтина Владимир эргыжлан пӧлеклаш кӱштен.

Алена Федорова.
Кокшайск села.

Звенигово поселений кокласе библиотеке тӱҥалтыш класслаште тунемше-влакым «Кече/Солнышко» йоча журнал дене палымым ыштымым умбакыже шуя.

11 февральыште Звенигово лицейын 1 В классыште тунемше самырык лудшо-влак журналыште улшо оҥай рубрик-шамычым пален налыныт: «Ойлышаш шомак», «Серыш, серыш…», «Шке ямдылена», «Туштанай эл» да молымат. Журнал икшыве-шамычлан келшен, вет тушто тӱрлӧ пайдале да кӱлешан увер, викторине, модыш-влак улыт.

Юлия Тимофеева, Ирина Прибылова.
Звенигово ола.

 

  

 

К. Архипован фотожо-влак