Чылдемыр ялысе книгагудышто сылнымут пайрем эртаралтын. Тушко уна семын Россий писатель ушемын йыжыҥъеҥже-влакым: поэтесса Зинаида Ермакова ден поэт Анатолий Мокеевым, тыгак сылнымут дене шукерте огыл кылым кучаш тӱҥалше авторым – Ираида Милютинам ӱжыныт. Поэзий корнылам лончылымо деч посна книгагудо пашаеҥ-влак погынышо-шамычым Марий книга савыктышын книгаж-влак дене палымым ыштеныт да уна-влаклан уста прозаик, Россий писатель ушемын йыжыҥъеҥже, Валерий Бердинскийын «Все мы люди» рушлаш кусарыме ойлымаш-влак книгажым пӧлекленыт.

  

  

Светлана АРХИПОВА