С. Григорьева
Марий книга савыктыш чапле да кӱлешан книгаж-влак дене лудшо-влакын кумылыштым эреак нӧлтен шога. Ты гана тудын темлыме книга выставкыжым республикыште илыше кажне еҥ да Россиий кумдык гыч толшо 30 тӱжем утла уна ончен да аклен кертыныт. Вет выставкым «Пеледыш пайрем» всероссийский фестиваль кышкарыште, Йошкар-Оласе каныме да тӱвыра паркыште эртарыме. Пытартыш ийлаште савыктыме книга деч посна лудшо-влак «Ончыко», «У сем», «Литера», «Кеч/Солнышко» журнал-влакым налыныт.
Марий книга савыктышын пашаеҥышт-влак Марий Эл Республикысе писатель-влак дене Ленин проспект дене моло-влак дене таҥошкылмаште эртеныт. А кечывал деч вара самырык возкалыше-влаклан «Йомак чондай» Регион кокласе йоча сылнымут форумым иктешлымашке ушненыт. Кажне самырык авторлан сертификатым да книга-влакым пӧлеклыме. Тыгак йоча-влак шке возыман «Ушан меран ден чоя рывыж» книгам кидышкышт налыныт. Директор Ю.И. Соловьев кажне авторлан поро шомакым каласен, мероприятийын кӱлешлыкшым палемден. Марий Эл Республикысе писатель ушемым вуйлатыше С.Д. Архипова прозаик-влакым саламлен, ончыкыжат возаш тыланен. Перед участниками литературного форума выступил депутат Государственной Думы России Сергей Иванович Казанков, вручил подарки и пожелал всем творческих успехов.
Участник-влак ончыко Россий Кугыжаныш Думын депутатше Сергей Иванович Казанков лектын, самырык автор-влакым шокшын саламлен, пєлекым, тыгак перошт пўсо лийже манын, ручка-влакым кучыктен, произведений-влакым чаплын возаш да кугу писатель марте кушкаш тыланен.
Тыгак писатель-влак: Е.А. Юнусова, А.С. Ишалин, В.П. Григорьев, Б.А. Александров, Е.В. Марченкова-Половникова, Л.Г. Иксанова, А.М. Коковихин, С.Е. Шелепов, Е. Ф. Хисамутдинова, «Кече/Солнышко» журналын художественный редакторжо К.А. Архипова автор-влакым мокталтеныт, ончыкыжымат сеҥымаш-влакым тыланеныт.
С. Григорьева. К. Архипован фотожо-влак.