Моско гыч чапле пöлек толын.  Тудо «Современная литература народов России» серий гыч иктыже. Ты гана йоча сылнымут ойпогым чумырен лукмо. Антологий шуко йылме дене мутланыше Российысе калык-влакын сылнымут усталыкышт дене палдара. Марий йоча писатель-влак кокла гыч антологийыш Аркадий Богдановын, Ипполит Лобановын, Елена Юнусован, Юрий Соловьевын да Светлана Григорьеван усталык саскаштым пуртымо. Кажныже кумда элна мучко илыше калык-влакым я почеламутшо, я ойлымашыже, я йомакше дене куандараш вашка.

Марий Элын калык писательже В.Абукев-Эмгак лÿмеш ыштыме «Ший памаш» фондын 2017 ийыште самырык автор-влаклан увертарыме сылнымут конкурсым иктешлыме.

Шушаш ийлан газет ден журнал-валклан возалтме кампаний мучашке лишемме дене лудшына-влак мемнан редакцийыш чÿчкыдын йыҥгыртат. «Ончыкылан» возалтме шотышто умылыдымаш уло манын ойлат.

Умылтарена: журналланна «Почта России» официальный каталог (ÿмбалже канде тÿсан) почеш возалтман. «Ончыко» нерген уверым 340-шо лаштыкыште кÿшнö вераҥдыме. Тушто тылзе гыч тÿҥалын пел ий марте жаплан возалтме акымат ончыктымо.

«Марий книга издательстве» савыктыш пöрт дирекций.

Шернурысо Ким Васин лÿмеш рÿдö книгагудо тиде кечым районысо библиотеке пашаеҥ-влак чот вученыт. Вет тышке «Марий книга издательстве» савыктыш пöртын пашаеҥже-влак толаш сöреныт. 24 ноябрь эрдене вучен шуктышт. Тышке уна-влак - савыктыш пöртын директоржо, ты кундемысе Купсолаште шочын-кушшо лÿмлє писатель Юрий Соловьев, «Ончыко» журналын тÿҥ редакторжо, поэт Игорь Попов да ты журналын редакторжо Борис Шамиев толыныт. Пеленышт республикыштына сайын палыме семмастар-бард Геннадий Григорьевымат конденыт. Лач тудо гитар дене шоктымыж почеш чапле муро-влакым йоҥгалтарыш.

Мемнан издательство пӧртын кушан верлаҥмыжым ынде шукынжо палаш тӱҥалыныт. Эсогыл ӧрдыж кундемлаште илыше марий-влакат шочмо йылме дене савыктыме книгам, журнал-влакым, пытартыш жапыште пырдыжеш сакышаш календарьым налаш толыт. Тидыже мемнам куандарыде ок керт.

27 сентябрьыште «Ончыко» журналын пашаеҥже-влак Игорь Попов (тÿҥ редактор), Борис Шамиев (редактор) да Евгений Садовин (ответственный секретарь) Семёновко селасе Совет Ушем Герой В.С.Архипов лÿмеш кыдалаш общеобразовательный школыш йоча-влак да туныктышо коллектив дене вашлиймашышке миеныт. 2, 5, 8 да 10-шо класслаште тунемше-влак журналын историйже, тачысе илышыже нерген пален налыныт, савыктыме изданийым лукмо паша радам нерген колыштыныт, марий писатель-влак, кызытсе марий да руш сылнымут нерген мутланеныт. Б.Шамиев «Ончыкын» содержанийже дене палдарен, Е.Садовин изирак-влакым марла мутланаш туныктышо модыш дене модыктен, И.Попов почеламутшо-влакым лудын.

Тене «Россий писатель ушем» общероссийский общественный организацин Мары Эл Республикӹштӹшӹ региональный отделенижӹ поэт, прозаик Чалай Васлийӹн (Василий Фёдорович Чегаев) шачмыжылан 100 и теммӹ лӹмеш сӓмӹрӹк ӹдӹр-ӹрвезӹвлӓ лошты  конкурсым увертӓрен ыльы. Тӹштӹ сакой иготан тыменьшӹвлӓ сирӹмӹ мастарлыкыштым поэзи, проза номинацивлӓштӹ тергенӹт. Писатель ушемӹн председательжӹ С.Д. Архипован попымыжы семӹнь, техень конкурс кудымшы гӓнӓ эртӓрӓлтеш. Тенӓт конкурсышкы шукы пӓшӓ пырен. Сек мастар ӹдӹр-ӹрвезӹвлӓм Творчество союзвлӓн пöртӹшкӹ ÿжӹнӹт дӓ сӓнгӹшӹшкӹ лӓкшӹвлӓм Диплом доно пӓлемденӹт. Тымдышывлӓлӓн  Тау шамакан сирмӓшӹм (Благодарность) кычыктенӹт. Мары Эл Республикїн культура, печать дӓ национальность пӓшӓ шотышты министрӹн палшыкалышыжы Г.С. Ширяева тыменьшӹвлӓм конкурсышкы ушнымышты доно кымылангден дӓ анзыкылаат кÿкшӹ кÿкшӹцӹшкӹ шоаш согоньлен.

Ти кечӹвлӓ лошты Чуваш Республикӹн халык писательжӹ, учёный-академик, пӓлӹмӹ общественный деятель дӓ просветитель Михаил Николаевич Юхма «Мары книгӓ издательство» издательский пöрт» кугижӓншӹ унитарный казённый предприятишкӹ толын ыльы. Предприятин директоржы Ю.Соловьев стöл йӹр шӹнзӹн хытырымы годым анзыкылашы пӓшӓвлӓ, книгӓвлӓм лыкмы годым иктӹ-весӹ доно кӹлӹм кычымы, палшен шалгымы гишӓн шанымашыжым келесен, «У сем» журналын тӹнг редакторжы Л.Ягодарова суасламары дӓ мары писатель дон поэтвлӓ гишӓн журнал гач пӓлдӓрен шалгымы, лыдшывлӓм яжо сӹлнӹшаявлӓ доно сусуэмдӹмӹ шотышты шаям виден.ÿö

7 апрельыште МарГУ-со йылме технологий шотышто шанче-туныктымо «Марий йылме» рÿдерыште «Мастарлык йолгорно» сылнымут семинар эртен. Тудо «Волгыдо-олык тÿрыштö» книган презентацийже гыч тÿҥалын. Сборникыш семинарын участникше-влакын возымыштым чумырен савыктыме.


«Марий книга издательстве» савыктыш пöрт» кугыжаныш унитар казна предприятийын директоржо Ю.И.Соловьев дене вашмутланымаш

— Эн ончычак, «Марий книга издательстве» савыктыш пöрт» кугыжаныш унитар казна у предприятийым ыштымаш мо дене кылдалтын?

Эше 2015 ийыштак «Ончыко», «У сем», «Кече-Солнышко» да «Литера» журнал-влакым савыктен шогышо «Марий журнал» предприятийын пашажым вес семын виктарыме нерген Марий Эл Правительствын пунчалже лектын ыле. Тудын кÿшеш «Марий журнал» предприятийыш «Марий книга савыктыш» ушалтын да у «Марий книга издательстве» савыктыш пöрт» предприятий шочын. Чыла тиде предприятийым у кÿкшытыш шогалтыме, специалист-влак дене пеҥгыдемдыме да парышыш лекше предпритийыш лукмо амал дене ышталтын. Кугыжаныш велым субсидийым ойырымо ужашыжат предприятийлан йолымбалне пеҥгыдын шогаш йöным ыштен. Адакше вет журналым да книгам лукмо сомыл икгайракак. Ынде, идалык эртымеке, лектышым иктешлен раш каласаш лиеш чылажат сай шонымаш дене гына ышталтын.

«Марий журнал» предприятийын статусшо вес кÿкшытым налме дене редакций-влакын адресыштат вашталтын, ынде нуно рÿдоланан Панфилов уремысе 39 номеран пöртын кумшо пачашыштыже верланеныт.