Моско гыч чапле пöлек толын.  Тудо «Современная литература народов России» серий гыч иктыже. Ты гана йоча сылнымут ойпогым чумырен лукмо. Антологий шуко йылме дене мутланыше Российысе калык-влакын сылнымут усталыкышт дене палдара. Марий йоча писатель-влак кокла гыч антологийыш Аркадий Богдановын, Ипполит Лобановын, Елена Юнусован, Юрий Соловьевын да Светлана Григорьеван усталык саскаштым пуртымо. Кажныже кумда элна мучко илыше калык-влакым я почеламутшо, я ойлымашыже, я йомакше дене куандараш вашка.

Книган сöраллыкше эше теве кушто: антолгийыш пуртымо кажне авторын илыш-корныжым кумдан каласкалыме. Марий писатель да поэт-влакат сылнымут аланыш толын йоча-влакым куандарыме усталыкышт нерген радамын пален налын кертыда. Книган марий ужашыжым с¢ретче Мария Клюкинан пашаж дене сöрастарыме.

Кугу форматан ты книган тиражше кугужак огыл, улыжат 1500 экземплярым лукмо.