Апрель тӹлзӹн икшӹ кечӹнжӹ Козьмодемьянск халашты, Я. Эшпай лӹмӓн халык культура центрӹштӹ, Кырык мары районлан 100 и теммӹ лӹмеш «Н. Игнатьев лӹмеш XХI лыдмаш: кырык марынвлӓ тагачшы кечӹн» и йӹде эртӓрӓлтшӹ кымдем кӱкшӹцӓн научно-практический конференци эртен. Конференцим пачмашкы Мары Эл Республикӹн Правительствым Вуйлатышын икшӹ заместительжӹ М.З. Васютин, МарНИИЯЛИ-н директоржы, Мары Эл Республикӹн Кугижӓншӹ Собрани Председательӹн заместительжӹ Е.П. Кузьмин, Мары Эл Республикӹн культура, печать дӓ национальность пӓшӓ шотышты министр К.А. Иванов, Всемарийский Советӹн председательжӹ, Оньыжа Э.В. Александров толыныт.

Пленарный заседани годым докладвлӓм, «Из истории Горномарийского района 1940–1970 гг.» видеофильмлӓн дӓ научный изданивлӓлӓн презентацивлӓм ӹштенӹт. Секционный занятивлӓ годым лингвистика, сӹлнӹшая, истори дӓ краеведени, тымдымаш пӓшӓ, культура дӓ искусство доно кӹлдӓлтшӹ ядмашвлім тӓрвӓтӹмӹ, шӹмлӹмӹ пӓшӓвлӓм ланзылымы дӓ иктешлӹмӓшвлӓм ӹштӹмӹ.

Научно-практический конференцишкӹ «Мары книгӓ издательство» издательский пӧртӹн пецӓтлӹмӹ книгӓвлӓм выжалымашкы лыкмы. Кырык мары сӹлнӹшаям виӓнгдӹмӓшкӹ, шачмы йӹлмӹм перегӹмӓшкӹ кого шытырым пиштӹшӹ, «Мары книгӓ издательство» издательский пӧрт доно цаткыды кӹлӹм кычышы дӓ «У сем» журналым халык лошкы шӓрӓш палшышы пуры эдемвлӓлӓн Тау шамакым-Благодарностьым кычыктымы дӓ ӓшӹндіріш кодшы фотовлӓм ӹштӹмӹ.

«Пӓшӓм икышын ӹштен веле, анзыкыла кенӓ, шанымашнам ӹлӹмішїшкӹ пыртенӓ. Икӹжӓк-иктӹлӓн палшен, пӓшінӓм ашындарен колтенӓ», – иктешленӹт конференцишкӹ толшы хынавлӓ.

Л.ЯГОДАРОВА