Хотите приобрести книгу? Позвоните нам по тел. +7 (8362) 41-47-85 или пишите на maribook@bk.ru

Шабалин, Капитон Николаевич. Оръеҥ сынан Оръю кундем: почеламут-влак / К.Н. Шабалин. — Йошкар-Ола: «Марий книга издательстве» савыктыш пӧрт, 2021. — 88 с.

Тиде книган авторжо Шабалин Капитон Николаевич 1936 ийыште У Торъял район Кӱшыл Оръю ялеш шочын. Йоча жапше Кугу Отечественный сар пагытлан логалын. Тудлан кӱчен кошташат, кӱтӱм кӱташат пернен. ӱмыр мучкыжак лым лийде пашам ыштен. Илыш йӧсылан кӧра кугун тунемашыже логалын огыл гынат, кумда ушакылан, творческий шӱлышан кушкын.

ӱмыр корныжо тӱрлӧ кундемлашкат намиен шуктен. Совет Армий радамыште Туркестанысе военный округышто связистлан служитлен, шочмо «Толмань» колхозыштыжо бригадирлан ыштен, Моркышто аэропорт начальник лийын, Советский районышто типографийым вуйлатен, Йӱдвелне полиграфий пашаште механик-наладчиклан ыштен, район газетыште фотокорресподент семын тыршен. Кызыт Волжск олаште ила.

Усталык чонан К.Н. Шабалин, сулен налме канышыш лекмекше, шке шонымашыжым, шӱм-чон тургыжланымашыжым сылнымут корнылашке пышташ тӱҥалын. Але марте вич книгам луктын, тиде — «ӱмыр орлаҥге» (2005), «Тура сер» (2006), «Тора каче», «Вӧдыр кугыза» (2008) да «Шарнымаш саска» (2011). Ты мутпогыш автор почеламут-влакым чумырен.