Кугыеҥланат, йочаланат!  Олыкмарла, кырык марла, рушла муро аршаш сборник-влак!

Опубликовано

…Кушто мыйын кӱслем,

Изи годсо родем,

Шокталтен колтымемже шуэш.

Шочмо-кушмо суртем,

Тиде шерге пӧртем,

Шергылт кай кӱсле муро йӱкеш!

Ала тенданат нине корнылам лудаш тӱҥалмеке, семже шкак лекте?  Могай сылне муро! А тыгай да моло муро аршаш сборникым Марий книга издательствыште ятыр муаш лиеш.

Йолташ-влак дене пырля погынен, самырык годсо муро-влакымат коклан шарналтыме шуэш. «Лек уремыш таҥем», «Какшан сер ӱмбалне ломбо», «Почтальонка», але рушла «Гляжу в озёра синие», «Каким ты был»…

Олыкмарла, кырык марла, рушла. Кугыеҥланат, йочаланат! Сӱаныште, ӱстелтӧрыштӧ, уна-влакым вашлийме годым келшыше йӧратыме мурыдам шарналтен муралташ книга-влак полшат.

  1. Вуча арама. Шукылан палыме, чонеш логалше муро, сӱан муро, такмак-влак.
  2. Шӧртньӧ аршаш: йӧратыме мурына. О. М. Герасимов ямдылен.
  3. Марийские гостевые песни в контексте традиций гостеприимства. Л.А. Абукаева.
  4. Марий сӱан муро-влак. Свадебные песни мари. О.М.Герасимов.
  5. Морко сӱан муро-влак. Свадебные песни моркинских мари. О.М.Герасимов.

 

Курык марла муро сборникат шагал огыл. «Кӹзӹтеш колтем тӹлӓт шӓлӓм»… да моло муран сборникым муын кертыда тыгай книгалаште:

  1. Мыры – шӱм, мыры – танг: мыры ӓршӓш, лыдышвлӓ/ Р. Т. Капитонова, Р.В. Капитонов, Л.А. Калинина йӓмдӹленӹт.
  2. Ӹлӹмаш сем: мыры ӓршӓш. – Йошкар-Ола: «Мары книгӓ издательство» издательский пӧрт, 2021. – 175 с.

Школ, йочасад, музыкальный школышто тунемше, туныктышо-влаклан, вокальный коллектив-шамычлан ямде нотан (скрипка, фортепиано дене шокташ) йӧрышӧ альбом, сборник, календарь-влакат улыт:

  1. Пусть с песней крылья вырастают: сборник песен / С. Луничкина. Рушла, марла муро-влак.
  2. Альбом пьес для фортепиано: нотное издание / А.В. Незнакин.
  3. Календарь. 10 миниатюр для скрипки и фортепиано, двух скрипок и фортепиано: нотное издание/ А.В. Незнакин.
  4. Йӹнгӹл юк: мыры ӓршӓш/ Васильева О.А. йӓмдӹлен.
  5. Длинной дорогой: 90-летию А. Лупова посвящается: камерно-инструментальные произведения для детей и юношества / сост. Т. А. Большакова, В. Г. Мысина.

Икшывыда дене пырля муралтынеда? Тугеже  ушештарена! Йоча-влаклан книга кызыт скидке дене ужалалтеш. Теве, мутлан, Сергей Маковын да Татьяна Очееван «ТЫП-ТОП ОШКЫЛАМ» (рушла да марла йоча муро аршаш,) книгаштымат 20% скидке дене налын кертыда.

Издательский дом «Марийское книжное издательство». Йошкар-Ола, Панфилова урем, 39-ше номеран пӧрт, 3-шо пачаш. 88362 41-47-85.

Книга-влак тендам вучат!