Л. Ягодарова
Тамара Петрован (Денисован) «Омын ӓль лачокшымат?» пӹтӓришӹ книгӓжӹ лӓкмӹ лӹм доно Кырык мары район Микрӓк кӹдӓлӓш школышты презентаци эртен. Ти книгӓм «Мары книгӓ издательство» издательский пӧрт Мары Эл Республикїн «2013–2025 ивлӓштӹ Мары Эл Республикӹн кугижӓншӹ национальный политикӹжӹ» кугижӓншӹ программа семӹнь лыктын. Тӹшкӹ тетялык шайыштмашвлӓм дӓ ямаквлӓм пыртымы. Комьютерный вёрсткым С.Г. Куклина ӹштен, яргата рисункывлӓ доно С.А. Тупицына сӹлнештӓрӓш палшен. Редакторвлӓ – Н.В. Лихачева дӓ Л.П. Ягодарова.
Л. Ягодарова
Тамара Петрован (Денисован) «Омын ӓль лачокшымат?» пӹтӓришӹ книгӓжӹ лӓкмӹ лӹм доно Кырык мары район Микрӓк кӹдӓлӓш школышты презентаци эртен. Ти книгӓм «Мары книгӓ издательство» издательский пӧрт Мары Эл Республикїн «2013–2025 ивлӓштӹ Мары Эл Республикӹн кугижӓншӹ национальный политикӹжӹ» кугижӓншӹ программа семӹнь лыктын. Тӹшкӹ тетялык шайыштмашвлӓм дӓ ямаквлӓм пыртымы. Комьютерный вёрсткым С.Г. Куклина ӹштен, яргата рисункывлӓ доно С.А. Тупицына сӹлнештӓрӓш палшен. Редакторвлӓ – Н.В. Лихачева дӓ Л.П. Ягодарова.
Презентацим яжон эртӓрӓш тӹнгӓлтӹш классвлӓштӹ тыменьшӹвлӓ дӓ нӹнӹн тымдышывлӓштӹ: В.И. Митина, Л.Г. Сильдушкина, С.И. Титова – палшенїт. Тетявлӓ «Кок цӹвигӹ» (2 кл.), «Тымана игӹ» (3 кл.), «Тошты хӓдӹр» (4 кл.) ямаквлӓ мычкы шӹндӹмӹ сценкӹвлӓм мадын анжыктенӹт дӓ сирӹзӹм сусуэмденӹт. Презентацишкӹ Йошкар-Ола гӹц Россий писатель ушемӹн эдемжӹ, поэт Валентин Афанасьев миэн. Тӹдӹ книгӓм ланзылен лӓктӹн дӓ техень иктешлӹмӓшӹм ӹштен: «Пиш керӓл книгӓ, тӹдӹ кырык мары литературыш у шӱлӹшӹм пыртен. Тамара Елисеевна тетя психологим келгӹн пӓлӓ дӓ нӹнӹм лыдаш кымылангда». Микрӓк библиотекӹштӹ пӓшӓлӹшӹвлӓ А.М.Васютина, С.Н.Элянова кого палшыкым пуэнӹт. Пуры шамаквлӓм В.Ф. Сильвестрова, С.К. Сидоркина, Г.А. Семьянова, Л.А. Илдаркина, Г.А. Акулькина, Е.П. Митрюшкина, Т.Н. Митрюшкина дӓ весӹвлӓӓт келесенӹт.
«Омын ӓль лачокшымат?» книгӓ Тамара Петрован (Денисован) пӹтӓришӹ кӓцкӹжӹ ылеш.
