Л. Ягодарова
Козьмодемьянск халашты, Н. Игнатьев лӹмӓн тӹнг библиотекӹштӹ, шӹмшӹ апрельӹн сімӹрӹк ӓсирӹзӹ Татьяна Евгеньевна Труфанован «Ӹлӹмішӹн вӹршӓржӹ» («Пульс жизни») книгӓн презентацижӹ эртен.
Л. Ягодарова
Козьмодемьянск халашты, Н. Игнатьев лӹмӓн тӹнг библиотекӹштӹ, шӹмшӹ апрельӹн сімӹрӹк ӓсирӹзӹ Татьяна Евгеньевна Труфанован «Ӹлӹмӓшӹн вӹршӓржӹ» («Пульс жизни») книгӓн презентацижӹ эртен.
Библиотекӹн краеведени отделӹм вуйлатышы Любовь Алексеевна Леонтьева «Шӧртньӹ тылип» творческий клубышкы сӹлнӹшая докы кымылан эдемвлӓм иквӓреш цымырен дӓ сӓмӹрӹк сирӹзӹм пӹтӓришӹ книгӓжӹ лӓкмӹ доно кымылангден. Лачок, Татьяна Труфанова ӹшкӹмжӹм сакой жанрвлӓштӹ тергӓ. Книгӓшкӹжӹ лыдышвлӓм, поэмӹм, шайыштмашвлӓм пыртымы. Лыдышвлӓштӹжӹ кымдемнӓн цевержӹм макта, яратымаш темым тӓрвӓтӓ, поэма дон шайыштмашвлӓштӹжӹ иктӹ-весӹ лоштышы кӹїлӹм, эдемӹн сӹржӹм, орлыкан пуйырымашыжым пачын пуа.
Келесен кодымыла, Татьяна Евгеньевна 2017 ин Мары Элӹн халык писательжӹ В.Абукаев-Эмгак лӹмеш «Ший памаш» («Ши вӹдваж») сӹлнӹшая фондын (председатель – В.В.Краснов) сӓмӹрӹк авторвлӓлӓн и йӹде эртӓрӹмӹ конкурсышты «Сек яжо проза» номинациштӹ сӹнгӹшӹшкӹ лӓктӹн дӓ преми доно пӓлемдӓлтӹн. Векӓт, тидӹжӹт авторлан анзыкыла кеӓш вим пуэн дӓ сӹлнӹшая корнышкы пингӹдӹн шагалаш палшен.
Ти вӓшлимӓш годым «Мары книгӓ издательство» издательский пӧртӹн директоржы Ю.И. Соловьевын лӹм доно икманяр эдемлін Тау шамакым кычыктенӹт: Т.Е. Труфановалан, М.И. Егоровалан, Т.Е. Петрова-Денисовалан, Ю.В. Багровалан, Е.К. Савельевалан, С.А. Васкановалан. Нӹнӹ сӹлнӹшаям виӓнгдӹмӓшкӹ, туан йӹлмӹнӓм переген кодымашкы шытырым пиштӓт дӓ «У сем» журнал доно кӹлӹм кычат.
Сімӹрӹк сирӹзӹ Татьяна Евгеньевна Труфановалан анзыкыла кеӓш, вес книгӓм лыкташ яжо кымыл доно пӓшӓм ӹштӓш согоньленӓ.
