Шочмо сылнымутым вияҥдыме пеш кӱлешан пашаште У Торъял вел марий-влакын надырышт изи огыл. Писатель ден поэт-влак шке усталыкышт дене калыкнам у сеҥымашлашке, патриотизмым шуарымашке кумылаҥдат. Тыгай-влак радамыш прозаик-влак Вениамин Ивановым, Геннадий Пироговым, Валентин Косоротовым, поэт-влак Борис Даниловым, Светлана Эсауловам, Геннадий Чемековым эн ончыч палемдена. Самырык мутмастар-влак коклашке шукерте огыл Игорь Попов шке ойыртемалтше йӱкшӧ дене ушныш.
Шочмо сылнымутым вияҥдыме пеш кӱлешан пашаште У Торъял вел марий-влакын надырышт изи огыл. Писатель ден поэт-влак шке усталыкышт дене калыкнам у сеҥымашлашке, патриотизмым шуарымашке кумылаҥдат. Тыгай-влак радамыш прозаик-влак Вениамин Ивановым, Геннадий Пироговым, Валентин Косоротовым, поэт-влак Борис Даниловым, Светлана Эсауловам, Геннадий Чемековым эн ончыч палемдена. Самырык мутмастар-влак коклашке шукерте огыл Игорь Попов шке ойыртемалтше йӱкшӧ дене ушныш.
Тӱҥалше автор-влакым куштымаште «Ончыко» журнал ден «Марий книга издательстве» савыктыш пєрт шагал огыл ыштат. Поэзий дене таҥлалташ кумылан Нина Щербакова шукерте огыл «Шӱмет шӱмемым паремда» сборникым луктын. Тушко авторын у почеламутшо ден мурылан келыштарыме стихше-влакым пуртымо. Тылеч ончыч лукмо «Мый мураш шочынам» поэзий книгаштыже тарватыме темымак – пӱртӱс, йӧратымаш, шочмо вершӧр нерген кумыл ойжым почаш тырша. Кугу верым лишыл еҥ, палыме да йолташ-влаклан лӱмын возымо пӧлекмут-влак налыт. Икманаш, автор почеламутлаштыже тӱҥ верым чон шижмашлан, вургыжмыжлан ойыра. Тидыжак лудшым автор деке лишемдат.
Шочмо йылме тӱнямбал кечылан пӧлеклен, районысо тӱвыра да каныме рӱдер ден рӱдє книгагудо, иктеш ушен, поэтессе Нина Щербакован книгаж дене палдарыме лӱмеш вашлиймашым эртареныт. Тудым почшыла, книгагудо директорын алмаштышыже Л.А. Крюкова авторын илыш да усталык корныж дене палдарен. Тыланыме шомакым район депутат-влак погынымашын председательже Е.В. Необогатиков, «Ончыко» журналын тӱҥ редакторжо И.Г. Попов да редактор Б.А. Шамиев, «Ялысе увер» райгазетын пашаеҥже И.Н. Садовина ойленыт. Нина Гавриловна лӱмеш шуко поро шонымаш, тыланымаш йолташыже-влак деч йоҥген.
Вашлиймашым М.Шкетан лӱмеш Марий национальный драме театрын сцене мастарже-влак Марий Эл Республикын калык артистше Светлана Строганова, артист Алексей Юнусов сӧрастареныт.
Нуно поэтын мутшылан возымо муро-влакым йоҥгалтареныт. У Торъял тӱвыра да каныме рўдерын шкешотан артистше-влак Карина Булыгина ден Дмитрий Афанасьев шке усталыкышт дене вашлиймаш программым пойдареныт.
Фотом архив гыч налме