Светлана Григорьева
«Юмо игечымат пуэн, пашамат вораҥдарыктен» ойлат калыкыште. Чынак, 1 июнь гыч тӱҥалын, 6 июнь мартен Москосо Йошкар площадьыште сылне игече шоген да «Йошкар площадь» книга фестивальыш мийыше калыкым куандарен. Тиде арнян Российыште эн кугу книга пайрем эртен. Тушто 700 утла мероприятий лийын. Погынышо калык 52 регион гыч толшо 400 утла савыктыш пӧртын книга продукцийыштым ончен, аклен, ужын, налын кертыныт. Тӱҥ площадьыште 12 тематический шатер пашам ыштен. Тушто «Сылнымут», «Йоча литератур», «Российысе регион-влак», «Нон-фикшн», «Электрон книга», «Тоштер корно», «Отечественный историй» да моло-влакат сомылым вӱденыт. Тыге калык писатель, шанчызе, артист, книга автор-влак дене вашлиймаш, лекций, мастер-класс-влак дене паламые лийын. Нунылан концерт лийын. Тыгодым тӱрлӧ муро, почеламут, сылнымут йоҥгеныт.
«Юмо игечымат пуэн, пашамат вораҥдарыктен» ойлат калыкыште. Чынак, 1 июнь гыч тӱҥалын, 6 июнь мартен Москосо Йошкар площадьыште сылне игече шоген да «Йошкар площадь» книга фестивальыш мийыше калыкым куандарен. Тиде арнян Российыште эн кугу книга пайрем эртен. Тушто 700 утла мероприятий лийын. Погынышо калык 52 регион гыч толшо 400 утла савыктыш пӧртын книга продукцийыштым ончен, аклен, ужын, налын кертыныт. Тӱҥ площадьыште 12 тематический шатер пашам ыштен. Тушто «Сылнымут», «Йоча литератур», «Российысе регион-влак», «Нон-фикшн», «Электрон книга», «Тоштер корно», «Отечественный историй» да моло-влакат сомылым вӱденыт. Тыге калык писатель, шанчызе, артист, книга автор-влак дене вашлиймаш, лекций, мастер-класс-влак дене паламые лийын. Нунылан концерт лийын. Тыгодым тӱрлӧ муро, почеламут, сылнымут йоҥгеныт.
Тыгай пайремым 2015 ийыште эртараш тӱҥалме, тунам тудо «Сылнымут идалык» федеральный программын тӱҥ мероприятийже семын аклалтын. Адакшым фестиваль руш йылме кечылан пӧлеклалтын, вет 6 июньышто руш классик А.С. Пушкинын шочмо кечыже. Ты ганат лӱмлӧ писательын кечыжлан ятыр мероприятий лийын.
Регион гыч толшо коклаште Марий Эл гыч Марий книга савыктыш шке продукцийже ден республикыште шочшо икмыняр книга дене палдарен. Стенд деке лишемше еҥ уна-влак дене савыктышын директоржо, Россий писатель ушемын йыжыҥъеҥже, прозаик да драматург Юрий Соловьев ден Россий писатель ушемын Марий Эл Республикысе региональный пӧлкан председательже, «Кече/Солнышко» йоча журналын тӱҥ редакторжо Светлана Архипова мутланеныт, нунын йодышыштым колыштын вашештеныт.
