Марий Эл Республикын 100 ияш лӱмгечыж вашеш «Марий книга издательстве» савыктыш пӧрт икмыняр книга-антологийым савыктен луктын.
Федеральный программе кӱшеш савыктыме «Россий ӱмбалне ӱжара» поэзий да «ӱжаран кугорно» антологийлаш Россий кумдыкышто илыше тӱрлӧ калык гыч писатель-влакын марий йылмыш кусарыме прозо — ойлымаш, легенде, повесть, роман гыч ужаш, лирике шонкалымаш да моло жанр форматым чумырымо. Произведений-влакым лудын, посна калыкын илыш ойыртемжым, тӱвыражым, чон поянлыкшым пален налаш лиеш…
Марий Эл Республикын 100 ияш лӱмгечыж вашеш «Марий книга издательстве» савыктыш пӧрт икмыняр книга-антологийым савыктен луктын.
Федеральный программе кӱшеш савыктыме «Россий ӱмбалне ӱжара» поэзий да «ӱжаран кугорно» антологийлаш Россий кумдыкышто илыше тӱрлӧ калык гыч писатель-влакын марий йылмыш кусарыме прозо — ойлымаш, легенде, повесть, роман гыч ужаш, лирике шонкалымаш да моло жанр форматым чумырымо. Произведений-влакым лудын, посна калыкын илыш ойыртемжым, тӱвыражым, чон поянлыкшым пален налаш лиеш…
Кажныжын — шке историйже, тӱвыраже, кочкышыжо, пайремже, мурыжо, фольклоржо, тыгак тудлан келшыше сылнымутшо. Поэзий аршаш лач тидын нергенак ойла. Кажне поэтын возымыжо — шочмо калыкшын шинчаончалтышыже, илышумылымашыже…
Книга ком-влакым республикыштына ынде кумдан палыме сӱретче Мария Клюкина ден Пётр Клюкин изаж дене пырля сӧрастареныт. Нуно поснак ойыртемалтше, сылне шочыныт.
«После третьего звонка» драматургий дене кылдалтше антологий кандаш марий авторым ушен — Вячеслав Абукаев-Эмгакым, Юрия Соловьевым, Геннадий Гордеевым, Валерий Григорьевым, Зинаида Долговам, Мария Илибаевой, Александр Петровым да Владимир Матвеевым. Нунын произведенийыштым ты гана рушлашке кусарен савыктыме.
Шушаш ийын Марий Эл Республикын 100 ияш лӱмгечыж вашеш ямдылыме программе почеш моло книга-влакат савыкталт лектыт. Нунын кокла гыч икмынряшт йоча-влаклан пӧлеклатыт.
Кажне книган тираже — 1500 экземпляр. Лишыл жапыште нуным библиотеке еда шаркалаш тӱҥалыт.