11 декабрьыште Советский районын рӱдӧ книгагудыштыжо лудшо-влак дене вашлиймаш лийын. Тушко «Марий книга издательстве» савыктыш пӧртын директоржо, писатель Ю.Соловьев ден «Ончыко» журналын тӱҥ редакторжо, поэт И.Попов миеныт. Вашлиймаш эртыше Марий тиште кече амал дене лийын.
11 декабрьыште Советский районын рӱдӧ книгагудыштыжо лудшо-влак дене вашлиймаш лийын. Тушко «Марий книга издательстве» савыктыш пӧртын директоржо, писатель Ю.Соловьев ден «Ончыко» журналын тӱҥ редакторжо, поэт И.Попов миеныт. Вашлиймаш эртыше Марий тиште кече амал дене лийын.
Ю.Соловьев кызытсе марий сылнымутан литератур нерген каласкален, издательствын пашаж дене палдарен. И.Попов «Ончыко» журналын лекме радамже дене палымым ыштен, ончыкылык творческий планым изишак почын пуэн, тыгак шке почеламутшо-влакым йоҥгалтарен.
Вашлиймашыш толшо калык ончылгоч ямдылыме, тыгак мутланыме годым лекше йодыш-влакым пуэден, писатель-влак вашештеныт. Сандене мутланымаш оҥайын, куштылгын, тыгодымак пайдалын эртен.
Савыктыш пӧртна Советский посёлкысо рӱдӧ книгагудылан да тудын директоржо Н.Давыдовалан лудшына-влак дене вашлийын мутланаш йӧным ыштымыштлан таум каласа.
