АФУН-ын председательже, Россий Федераций Федеральний Собраний Федераций Советын членже Пётр Николаевич Тултаев «Марий книга издательстве» савыктыш пӧртыштӧ уна лийын.
АФУН-ын председательже, Россий Федераций Федеральний Собраний Федераций Советын членже Пётр Николаевич Тултаев «Марий книга издательстве» савыктыш пӧртыштӧ уна лийын.
Таче, 24 мартыште, Звенигово район Чакмарий посёлкышто «Россий Федерацийысе финн-угор калык-влакын ассоциацийышт» (АФУН РФ) общероссийский мер толкын президиумын заседанийже лиеш.
Мер толкынын председательже, Россий Федераций Федеральний Собраний Федераций Советын членже Пётр Николаевич Тултаев Марий Элыш ик кече ондак толын, Йошкар-Олам ончен коштшыжла, «Марий книга издательстве» савыктыш пӧртыштӧ уна лийын.
Кок шагат жапыште издательский пӧрт пашаеҥ-влак дене пырля книга савыктыш пашам каҥашен, сылнымутан журнал-влакын кузе лектын шогымышт нерген йодыштын, вес регион-влакын (поснак Мордовий ден Карелий Республиклан) паша опытышт нерген каласкален.
Пётр Николаевич мыланна родо-тукым мокша калык гыч, сандене марийынат куан ден ойгыжым сайын пала да умыла.
Тыгай кугу унан марий книга, журнал да сылнымутан литератур верч колянымыже мемнам моткоч куандара да ончыкылан сай ӱшаным пуа.