Тене «Россий писатель ушем» общероссийский общественный организацин Мары Эл Республикӹштӹшӹ региональный отделенижӹ поэт Миклай Казаковын шачмыжылан 100 теммӹ лӹмеш сӹлнӹшая конкурсым эртӓрен.
Конкурсышкы кокшӱдӹ утла пӓшӓ пырен. Нїӹнӹ логӹц сек яжо пӓшӓвлӓм айырен нӓлмӹ дӓ авторвлӓжӹм Диплом дӓ окса преми доно, школышты тымдышывлім Тау шамакан сирмӓш доно пӓлемдӹмӹ. Писатель ушемӹн председательжӹ С.Д.Архипован пӓлемдӹмӹжӹ семӹнь, «ӹдӹр-ӹрвезӹвлӓ тымдышывлӓ палшымы доно пӓшӓм кымыл доно ӹштенӹт, сакой темӹм тӓрвӓтенӹт. Лыдыш, шайыштмаш гач туан кымдемӹштӹ докы яратымашыштым пачыныт. Пӓшӓн лӓктӹшӹжӹ улы гӹнь, тӹдӹм анзыкыла виктӓрен колташ келеш. Сӓмӹрӹк ӹдӹр-ӹрвезӹвлӓлӓн кӹзӹт палшен пуэнӓ гӹнь, ӹлен-толын, мастар сирӹзӹ якте кушкын шон кердӹт».
Лӹмлӹ поэт дон писательвлӓ лӹмеш эртӓрӹмӹ конкурсын пайдажы и йӹдеок шижӓлтеш. Кырык мары район Эмӓнсола школын кудымшы классышты тыменьшӹвлӓжӹ Максим Сергеев, Наталья Сидорова конкурсышкы сирӹмӹ пӓшӓвлӓштӹм колтенӹт. Нӹнӹ логӹц иктӹжӹ Диплом, весӹжӹ Диплом дӓ окса преми доно пӓлемділтӹнӹт. Тымдышышты – Галина Петровна Петрова.
