9 ноябрьыште У Торъял рӱдӧ модельный книгагудышто кумдан палыме марий писатель Вениамин Михайлович Ивановым (1923–1971) шарныме «Шочмо вершӧрым моктышо писатель» пайрем эртен.
9 ноябрьыште У Торъял рӱдӧ модельный книгагудышто кумдан палыме марий писатель Вениамин Михайлович Ивановым (1923–1971) шарныме «Шочмо вершӧрым моктышо писатель» пайрем эртен. Мероприятий серызын шочмыжлан 100 ий теммылан пӧлеклалтын. У Торъялыш районысо библиотекарь-влак, туныктышо ден тунемше-шамыч, общественник ден лудаш йӧратыше тыглай калыкат погынен.
Погынышо-влак Вениамин Ивановын возымо произведений-влакым шарналтеныт, тудын илыш-корныжым ушештареныт, роман ден повестьла гыч ужашым лудыныт.
Тиде мероприятий 100 ийым темыше писатель-земляк-влакым шарныме пайрем цикл гыч пытартыш ыле. Тений тыгак Василий Сапаевын да Борис Даниловын кугу юбилейыштым пайремлыме. Палемден кодыман, кум писательжат У Торъял район Чобык ялыште шочын кушкыныт, У Торъял педучилищым тунемын лектыныт, Кугу Отечественный сарыште элнан эрыкше верч кредалыныт.
Библиотеке директор Любовь Крокова ден библиотекарь Ирина Егошина
«Ава шӱм» повесть почеш инсценировко
Любовь Крюкова ден «Марий Эл» газетын корреспондентше, писатель Лидия Семёнова
Россий писатель ушемын Марий Эл Республикысе пӧлкыжын вуйлатышыже Светлана Архипова
«Ончыко» журналын тӱҥ редакторжо Игорь Попов
Марий Эл Республикысе тӱвыран сулло пашаеҥже, «Кугарня» газетын фотокорреспондентше Иван Речкин
Мер пашаеҥ Николай Сидоркин Василий Сапаевлан, Борис Даниловлан да Вениамин Ивановлан Чобыксолаште шарныктышым ышташ кӱлмӧ нерген ойла
Л. Семёнова, И. Попов, Немда тӱвыра пӧртын пашаеҥже Роза Терехова, И. Егошина, Л. Крюкова, Немда тӱвыра пӧртын директоржо Елена Мосунова
Пайремыш погынышо калык
Ксения Лебедеван фотожо-влак