С. Григорьева
«Сылнымут алмаштыш» ХII Регион кокласе самырык автор-влакын сылнымут конкурсышт эртаралте. Тудо Марий Эл Республикысе калык писатель Зинаида Федоровна Каткован шочмыжлан 100 ий темме лӱмеш да марий сылнымутын классикше, МАССР-ын калык писательже Никандр Лекайнын шочмыжлан 115 ий темме лӱмеш пӧлеклалтын.
С. Григорьева
«Сылнымут алмаштыш» ХII Регион кокласе самырык автор-влакын сылнымут конкурсышт эртаралте. Тудо Марий Эл Республикысе калык писатель Зинаида Федоровна Каткован шочмыжлан 100 ий темме лӱмеш да марий сылнымутын классикше, МАССР-ын калык писательже Никандр Лекайнын шочмыжлан 115 ий темме лӱмеш пӧлеклалтын.
Пайремым Марий Эл писатель ушем вуйлатыше Светлана Архипова почын. Самырык возкалыше-влакым Марий Эл Республикысе тӱвыра, печать да калык-влак паша шотышто министерствын специалистше Александр Витальевич Илларионов саламлен, возымо пашаште икымше ошкылым ыштыше-шамычлан муролыкышто шке шомакан мастар лийын кушкын шогалаш тыланен.
Поро мутым, Марий книга издательствын директоржо Ю. Соловьев, Марий тӱвыра рӱдер вуйлатышын алмаштышыже В. Петров, «Ончыко» журналын тӱҥ редакторжо И. Попов, «У сем» журналын тӱҥ редакторжо Л. Ягодарова, «Кече/Солнышко» йоча журналын сылнымут редакторжо К. Архипова, «Ямде лий» газетын пӧлка редакторжо Х. Александрова, Россий писатель ушемын йыжыҥъеҥже-влак: Е. Юнусова, Л. Иксанова, Е. Хисамутдинова, А. Ишалин, А. Подольский, В. Комаров ойленыт.
Рушла да марла возышо 215 самырык автор-влакын пашашт толын. Чылаже 300 наре рукопись погынен. Конкурсым Марий тӱвырам да сымыктышым вия‰дымаште поро кумылым ончыктышо «Ший памаш» фондын президентше, Россий писатель ушемын йыжыҥъеҥже Василий Владимирович Краснов чапландараш полшен. Марий книга савыктыш книга пӧлекым ямдылен.
Сеҥыше-влаклан Дипломым да книга пӧлекым кучыктымо, туныктышо-влакым Чапкагаз дене суапландарыме.
Кристина Архипован фотожо-влак