Г. Сабанцев
Марий Эл Республикын калык писательже, МАССР культурын сулло пашаеҥже Зинаида Фёдоровна Каткова Кужэҥер кундемысе Старселаште (Верх-Ушут) шочын. Тений октябрь тылзыште тудлан шӱдӧ ий темеш ыле.
Тиде лӱмгече вашеш Кужэҥер рӱдӧ книгагудо районысо книгагудо-влак коклаште «Усталыкын илыше памашыже» («Живой родник творчества») сылнымут марафоным тӱҥалын….
Г. Сабанцев
Марий Эл Республикын калык писательже, МАССР культурын сулло пашаеҥже Зинаида Фёдоровна Каткова Кужэҥер кундемысе Старселаште (Верх-Ушут) шочын. Тений октябрь тылзыште тудлан шӱдӧ ий темеш ыле.
Тиде лӱмгече вашеш Кужэҥер рӱдӧ книгагудо районысо книгагудо-влак коклаште «Усталыкын илыше памашыже» («Живой родник творчества») сылнымут марафоным тӱҥалын. Тудо 19 апрельыште лачак рӱдӧ книгапӧртыштӧ тӱҥалтышым нале. Библиотекарь-влак уста писательын сылнымут пашаж дене палыме лийыныт, шочмо вершӧржӧ, родо-тукымжо нерген шуко уверым пален налыныт. Тӱҥалме марафон октябрь тылзыште, лӱмлӧ писательын ик курымаш лӱмгечыж жапыште иктешлалтеш.
Йошкар-Ола гычат уна-влак лийыч. Тиде – писатель, «Марий книга савыктыш» савыктыш пӧрт директор Ю.И. Соловьев, поэтессе, «Россий писатель ушем» Российысе мер организацийын регион пӧлкажым вуйлатыше, «Кече-Солнышко» йоча журналын тӱҥ редакторжо С.Д. Архипова, «Ончыко» журналын редакторжо, Марий Элын сулло журналистше Б.А. Шамиев, поэт, Республикысе марий тӱвыра рӱдерын методистше Г.Л. Сабанцев. Нуно З.Ф. Каткова нерген порын шарналтеныт, марий сылнымут нерген каласкаленыт.
