Светлана Архипова
«Сылнымут алмаштыш» Регион кокласе самырык-влакын сылнымут семинарым Пошкырт кундемысе Мишкан селаште эртарен колтышна. Тиде семинар «Путевка в жизнь» йӱкан икымше совет кинофильмыште кумдан палыме Мустафа рольым модшо да шке лӱмжым курымеш чапландарыше киноактер, да марий поэт Йыван Кырлfн шочмыжлан 110 ий темме лӱмеш да Марий Эл Республикын калык писательже Вячеслав Абукаев-Эмгакын шочмыжлан 60 ий темме лӱмеш пӧлеклалтын. Ты гана Мишкан селашке икмыняр районышто марий йылмым тунемше самырык автор-влак, нунын пелен туныктышо, ача-ава-влак погыненыт. Караидель районысо Уткусто школ гыч кажне ийынак тунемше-влак толыт, а Калтаса район икымше гана творческий шӱлышан ӱдыр-рвезе-шамыч миеныт. А теве Краснокам школышто марий йылмым уста туныктышо Сайтиев Сергей Ильич вӱден шога, тудо транспорт амалллан кӧра йоча-влак толын ыш керт, но сылнымутыштым заочный аклыме ужашыш колтеныт.
«Сылнымут алмаштыш» Регион кокласе самырык-влакын сылнымут семинарым Пошкырт кундемысе Мишкан селаште эртарен колтышна. Тиде семинар «Путевка в жизнь» йӱкан икымше совет кинофильмыште кумдан палыме Мустафа рольым модшо да шке лӱмжым курымеш чапландарыше киноактер, да марий поэт Йыван Кырлfн шочмыжлан 110 ий темме лӱмеш да Марий Эл Республикын калык писательже Вячеслав Абукаев-Эмгакын шочмыжлан 60 ий темме лӱмеш пӧлеклалтын. Ты гана Мишкан селашке икмыняр районышто марий йылмым тунемше самырык автор-влак, нунын пелен туныктышо, ача-ава-влак погыненыт. Караидель районысо Уткусто школ гыч кажне ийынак тунемше-влак толыт, а Калтаса район икымше гана творческий шӱлышан ӱдыр-рвезе-шамыч миеныт. А теве Краснокам школышто марий йылмым уста туныктышо Сайтиев Сергей Ильич вӱден шога, тудо транспорт амалллан кӧра йоча-влак толын ыш керт, но сылнымутыштым заочный аклыме ужашыш колтеныт.
Поро ой-каҥашым «Келшымаш» район газетын редакторжо, уста драматург да прозаик, ятыр книган авторжо Валерий Абукаев, Россий писатель ушем йыжыҥъеҥ, йоча прозаик Елена Юнусова, Мишкан районысо марий йылмым туныктышо-влак ушемым вуйлатыше Надежда Геннадьевна Салмиянова, марий йылмым туныктымо шотышто Мишкан районысо образований пӧлкан специалистше Алена Семеновна Килинбаева аклыме пашам вораҥдареныт. Тыгак кугу полышым туныктымо пашан ветеранже, Яныш Ялкайн лӱмеш премийын лауреатше Рита Каникеевна Ялаева, Мишкан селаште марий исторический тӱвыра рӱдерын тӱҥ специалистше Алексей Васильевич Ибулаев, поэтессе Светлана Салиева, район книгагудын тӱҥ библиотекарьже Олеся Михайловна Зайнитдинова, район книгагудын тӱҥ библиографше Ильвира Харисовна Айбердина пуэныт.
Талантан ӱдыр-рвезе-влак ынде ныл ий почела да тылеч ондак эртарыме семинарыш эреак кумылын толыт. Тыгодым ме чылаштланат сертификатым кучыктенна. Конкурсышто сеҥыше-влаклан книга пӧлекым ыштыме, да диплом-влакым пуэнна. А туныктышо-влакым чапкагаз дене палемдыме.
Пошкырт кундемыште талантан тунемше-влак ятырын улыт, нуным жапыштыже ужын шуктен, мастарлыкыштым вияҥден колташ полшымо задаче Марий Эл Республикысе Россий Писатель ушемын региональный пӧлкажын да Марий Эл Республикысе тӱвыра, печать да калык-влакын пашашт шотышто министерствын моло сомыл-влак коклаште кӱлешанлан шотлалтеш. Министр Константин Анатольевич Иванов да министрын алмаштышыже Галина Степановна Ширяева Пошкырт кундемыш миен коштмо проектым илышыш вораҥдараш манын, кугу тыршымашым ончыктеныт. Тыгак Финляндийысе М. Кастрен ушем тиде сомылым кӱлешанлан шотлен. Книга пӧлекым Марий книга савыктыш ямдылен.
Тиде пашан лектышыже коеш, вет Пошкырт кундем гыч студент-влак марий кундемысе вузлаште тунемыт, ты ганат ме талантан ӱдыр-рвезе-влак дене вашлийын, каҥашым пуэн, Марий Эл Республикыш шинчымашым погаш толаш мутланыме.
Марий Элысе писатель ушем Пошкырт кундемыш шуко ий почела миен коштеш, ондак тушто «Сылнымут шошо» лӱман семинарым эртарыме гын, кызыт пашам ятырлан кугемдыме, семинар деч посна, конкурсым эртарыме, мутланымашнам идалык мучко интернет полшымо дене вораҥдарыме. Самырык автор-влакын возымыштым эреак «Эрвий» альманахыште савыктен шогена. Тыгак «Кече/Солнышко» журналыште чӱчкыдынак чапле материал-влак савыкталтыт. «Ямде лий», «Кугарня» газет-влак, «Ончыко», «У сем» журнал йоча-влакын произведенийыштым уло кумылын савыктат.
Пошкырт кундемысе самырык автор-влак дене паша ышталтын да ончыкыжымат вораҥдаралташ тӱҥалеш.
Пайрем годым ойыртемалтше лӱмлӧ еҥ-влаклан Вячеслав Абукаев лӱмеш шарнымашан медальым кучыктымо. Тиде сомылым вораҥдарымаште кугу вийым Россий писатель ушемын йыжыҥъеҥже, прозаик Василий Краснов ден Россий писатель ушемын йыжыҥъеҥже, прозаик, Марий книга савыктышын директоржо Юрий Соловьев пыштеныт.
