27 сентябрьыште «Ончыко» журналын пашаеҥже-влак Игорь Попов (тÿҥ редактор), Борис Шамиев (редактор) да Евгений Садовин (ответственный секретарь) Семёновко селасе Совет Ушем Герой В.С.Архипов лÿмеш кыдалаш общеобразовательный школыш йоча-влак да туныктышо коллектив дене вашлиймашышке миеныт. 2, 5, 8 да 10-шо класслаште тунемше-влак журналын историйже, тачысе илышыже нерген пален налыныт, савыктыме изданийым лукмо паша радам нерген колыштыныт, марий писатель-влак, кызытсе марий да руш сылнымут нерген мутланеныт. Б.Шамиев «Ончыкын» содержанийже дене палдарен, Е.Садовин изирак-влакым марла мутланаш туныктышо модыш дене модыктен, И.Попов почеламутшо-влакым лудын.
27 сентябрьыште «Ончыко» журналын пашаеҥже-влак Игорь Попов (тÿҥ редактор), Борис Шамиев (редактор) да Евгений Садовин (ответственный секретарь) Семёновко селасе Совет Ушем Герой В.С.Архипов лÿмеш кыдалаш общеобразовательный школыш йоча-влак да туныктышо коллектив дене вашлиймашышке миеныт. 2, 5, 8 да 10-шо класслаште тунемше-влак журналын историйже, тачысе илышыже нерген пален налыныт, савыктыме изданийым лукмо паша радам нерген колыштыныт, марий писатель-влак, кызытсе марий да руш сылнымут нерген мутланеныт. Б.Шамиев «Ончыкын» содержанийже дене палдарен, Е.Садовин изирак-влакым марла мутланаш туныктышо модыш дене модыктен, И.Попов почеламутшо-влакым лудын.
Вашлиймаш икшыве-влакланат, журнал пашаеҥ-влакланат пайдале: писатель-влак лудшо-влакын кумылыштым палышаш улыт, лудшо-влакше писатель-влакым шке шинчашт дене ужмеке, сылнымут деке утларак кумылаҥыт.
Семёновко школыш ме пытартыш кок ий жапыште кокымшо гана миенна. Журналнамат тушто эреак лудын шогат. Икте гына чоным туржеш: марий ача-аван, коча-кован икшывышт, уныкашт шочмо йылме дене йєршын гаяк огыт мутлане, марий йылмыжымат 5-ше классыште гына тунемаш тÿҥалыт. А марий литературым гын, йöршеш 10-шо класс гыч веле.
Тыгай мероприятийым эртарен колтымылан школын директоржо Николай Васильевич Семёновлан кугу таум каласена. Моло школлашкат, ÿжыт гын, мияш ямде улына.
