Россий Федерацийын Общественный палатыштыже йоча прессе нерген мутланыме. Йыргешке ӱстелын темыже «Йоча савыктыме прессе: йодышыжо-влак да умбакыже тӱзланымыже» манын лӱмдалтын. Тудо йоча-влакым аралыме кечылан пӧлеклалтын. Мероприятийым Россий Федерацийын Общественный палатын увер-влак сообществын тӱзландарыме, СМИ да массовый коммуникацийын комиссийже ямдылен. Тудын председательже Александр Малькевич тӱрлӧ темлымаш-влакым каласаш йодын да шкежат йодыш-влак нерген азапланен ойлен. Вет йоча да кугурак ийготанлан лектеден шогышо изданий-влак кушкын толшо тукымлан кӱлешан улыт да илышыште полшен шогат, илыш корнышто йодышыштым рашемдат.
Но туге гынат, тыгай изданий-влак шыгыремдалтыт да ончыкылыкым раш огыт уж. Чумыр Россий мучко йоча газет да журнал-влак 15 процентлан шагалемыныт, тираж ӱлыкӧ волен каен. Йоча изданий-влакым шараш йӧсӧ лийын, школ-влак дене паша шагал ышталтеш. Школ да тунемше-влак дене пашам ыштыме шотышто Саха (Якутия) Республикын Калык депутатше, Национальный СМИ Ассоциацийын председательже, «Ситим» медиагруппын тӱҥ директоржо Мария Христофорова ушан шомакым ойлыш да Россий Федерацийын просвещений министерстве, регионлаште образований министерстве да пӧлка-влак дене кылым ышташ кӱлмӧ нерген пеҥгыдемдыш. «Регионышто образований нерген законым шымлен, йоча изданий-влакым урок годым да внеклассный пашаште кучылтмым кӱлешан семын темлыман» манын ойлыш Мария Христофорова.
Россий Федерацийын Общественный палатыштыже йоча прессе нерген мутланыме. Йыргешке ӱстелын темыже «Йоча савыктыме прессе: йодышыжо-влак да умбакыже тӱзланымыже» манын лӱмдалтын. Тудо йоча-влакым аралыме кечылан пӧлеклалтын. Мероприятийым Россий Федерацийын Общественный палатын увер-влак сообществын тӱзландарыме, СМИ да массовый коммуникацийын комиссийже ямдылен. Тудын председательже Александр Малькевич тӱрлӧ темлымаш-влакым каласаш йодын да шкежат йодыш-влак нерген азапланен ойлен. Вет йоча да кугурак ийготанлан лектеден шогышо изданий-влак кушкын толшо тукымлан кӱлешан улыт да илышыште полшен шогат, илыш корнышто йодышыштым рашемдат. Но туге гынат, тыгай изданий-влак шыгыремдалтыт да ончыкылыкым раш огыт уж. Чумыр Россий мучко йоча газет да журнал-влак 15 процентлан шагалемыныт, тираж ӱлыкӧ волен каен. Йоча изданий-влакым шараш йӧсӧ лийын, школ-влак дене паша шагал ышталтеш. Школ да тунемше-влак дене пашам ыштыме шотышто Саха (Якутия) Республикын Калык депутатше, Национальный СМИ Ассоциацийын председательже, «Ситим» медиагруппын тӱҥ директоржо Мария Христофорова ушан шомакым ойлыш да Россий Федерацийын просвещений министерстве, регионлаште образований министерстве да пӧлка-влак дене кылым ышташ кӱлмӧ нерген пеҥгыдемдыш. «Регионышто образований нерген законым шымлен, йоча изданий-влакым урок годым да внеклассный пашаште кучылтмым кӱлешан семын темлыман» манын ойлыш Мария Христофорова.
Йыргешке ӱстелын пашаштыже «Кече/Солнышко» республиканский йоча журналын тӱҥ редакторжо Светлана Архипова участвоватлен да йоча журналын кӱлешлыкше нерген каласен, альтернативный подписке нерген йодышым тарватен. Тиде теме да моло пӱсӧ йодыш нерген мутланымаш шушаш жапыште угыч тарвана манын ӱшандарыме.
Йыргешке ӱстелыште йоча изданий-влакым тӱзландарыме шотышто шуко йодышым каҥашыме да шушаш жапыште нуным профильный ведомствыш рашемдаш пуымо.
Светлана Григорьева
