Шочмо вер!
Тый угыч тӧр йолгорным шаре,
Изи годсо семынак мыйым ӱж пасуш!..
Ший гай турий муро ден чоным куандаре,
Йымыжан пуалже шӱргышкем эр юж…
Поэт Геннадий Ояр шочмо вершӧржылан чон гыч лекше ятыр шокшо мутым пӧлеклен. Нине корно-влак тудын усталык пашажын тиде йыжыҥжылан шкешотан символ семынат лийын кертыт. Кызыт кеҥеж огыл, пасуат уржа толкын дене ок лӱҥгалт, но торасе самырык жап годымак чоныш вочшо сӱрет авторын чоныштыжо идалыкын кеч-могай жапыштыжат ок йом.
Шочмо вер!
Тый угыч тӧр йолгорным шаре,
Изи годсо семынак мыйым ӱж пасуш!..
Ший гай турий муро ден чоным куандаре,
Йымыжан пуалже шӱргышкем эр юж…
Поэт Геннадий Ояр шочмо вершӧржылан чон гыч лекше ятыр шокшо мутым пӧлеклен. Нине корно-влак тудын усталык пашажын тиде йыжыҥжылан шкешотан символ семынат лийын кертыт. Кызыт кеҥеж огыл, пасуат уржа толкын дене ок лӱҥгалт, но торасе самырык жап годымак чоныш вочшо сӱрет авторын чоныштыжо идалыкын кеч-могай жапыштыжат ок йом.
Да тыгай сӱретше, очыни, кажне айдемынат шӱмыштыжӧ ойыраш лийдымын ила… Тиын нерген Марий Эл Республикын калык поэтше, а пашаж дене – Республикысе марий тӱвыра рӱдерын марий йылмым да культурым инноваций йӧн дене вияҥдыме шотышто пӧлкан методистше Геннадий Сабанцев-Ояр Кужэҥер муниципал районысо Руш Шой общеобразовательный школышто вашлиймыж годым чон почын каласыш. Тудо ты школым 1975 ийыште тунем лектын, да кодшо кечылаште тысе коллектив тудым усталык вашлиймашке ӱжын ыле. Туныктышо ден тунемше-влак изирак концертым ямдыленыт, тушто поэтын почеламутшо-влак да тудын мутшылан возымо муро-влак йоҥгеныт.
А поэт шкеже погынышо-влак ончылно (погыненытше ыле 104 еҥ – тунемше ден туныктышо-влак) шке усталык пашаж нерген ойлен, школышто тунемме жапшым порын шарналтен. Тыгак Республикысе марий тӱвыра рӱдерын шуктен шогымо кугу пашаже, шкенжын тыршыме пӧлкажын пашаж нерген кумылын каласкален.
Поэт шке землякше-влак деке писатель, «Марий книга издательстве» савыктыш пӧртын директоржо Ю.И. Соловьев дене пырля толын. Юрий Ильич вуйлатыме предприятийын пашаж дене палдарен, тений могай книга-влак лекшаш нерген ойлен. Ончылгоч йодмо почеш ойырен, вашлиймашке книга-влакымат кондымо ыле.
Вашлиймаш пеш поро, шокшо кумыл дене эртен.
