Шернурысо Ким Васин лÿмеш рÿдö книгагудо тиде кечым районысо библиотеке пашаеҥ-влак чот вученыт. Вет тышке «Марий книга издательстве» савыктыш пöртын пашаеҥже-влак толаш сöреныт. 24 ноябрь эрдене вучен шуктышт. Тышке уна-влак — савыктыш пöртын директоржо, ты кундемысе Купсолаште шочын-кушшо лÿмлє писатель Юрий Соловьев, «Ончыко» журналын тÿҥ редакторжо, поэт Игорь Попов да ты журналын редакторжо Борис Шамиев толыныт. Пеленышт республикыштына сайын палыме семмастар-бард Геннадий Григорьевымат конденыт. Лач тудо гитар дене шоктымыж почеш чапле муро-влакым йоҥгалтарыш.
Шернурысо Ким Васин лÿмеш рÿдö книгагудо тиде кечым районысо библиотеке пашаеҥ-влак чот вученыт. Вет тышке «Марий книга издательстве» савыктыш пöртын пашаеҥже-влак толаш сöреныт. 24 ноябрь эрдене вучен шуктышт. Тышке уна-влак — савыктыш пöртын директоржо, ты кундемысе Купсолаште шочын-кушшо лÿмлє писатель Юрий Соловьев, «Ончыко» журналын тÿҥ редакторжо, поэт Игорь Попов да ты журналын редакторжо Борис Шамиев толыныт. Пеленышт республикыштына сайын палыме семмастар-бард Геннадий Григорьевымат конденыт. Лач тудо гитар дене шоктымыж почеш чапле муро-влакым йоҥгалтарыш.
Вашлиймашым книгагудо директор И.Г. Кошкина почеш да мутым уна-влаклан пуа. Эн ончыч савыктыш пöрт директор Ю.И. Соловьев ойла. Тудо учрежденийын паша планже, могай книга-влакым савыктыме дене палдара, ончыкылык план нерген каласкала. Эн кугу паша ужашыже Марий Эл Республикылан 100 ий темме юбилей. Тиде чапле кече вашеш могайрак книга, моло савыктыш лекшаш нерген ойлымыжым погынышо-влак шулен колыштыч.
«Ончыко» журнал савыктыш пöртын шулдыржо йымаке пура. У семын пашам ыштымын могай саскам пуымыжо нерген тÿҥ редактор Игорь Попов уло кумылын каласкала. Вара погынышо-влакым шкенжын икмыняр у почеламутшо дене куандара. Редактор Б.А. Шамиев журналлан возалтме, тудым лудшо-влак дене шуктымо у йєнла дене кумылын палдара. Пытартышлан погынышо-влакын ятыр йодышыштлан вашештат.
Вашлиймаш ÿстел коклаште муралтен, чайым йÿмаш дене кугу пайрем семын эртен.
