«Сылнымут алмаштыш» IХ Республикысе самырык автор-влакын сылнымут конкурсышт эртаралте. Тудо совет киноактёр, марий поэт Йыван Кырлан шочмыжлан 110 ий темме лӱмеш пӧлеклалтын. Самырык возкалыше-влакым Марий Эл Республикысе тӱвыра, печать да калык-влакын пашашт шотышто министрын алмаштышыже Михаил Матвеев саламлен, возымо пашаште икымше ошкылым ыштыше-шамычлан муролыкышто шке шомакан мастар лийын кушкын шогалаш тыланен. Поро мутым «Ончыко» журналын тӱҥ редакторжо Игорь Попов, «У сем» журналын тӱҥ редакторжо Людмила Ягодарова, «Кече/Солнышко» йоча журналын сылнымут редакторжо Кристина Архипова, «Ямде лий» газетын тӱҥ редакторжо Лидия Семёнова, Россий писатель ушемын йыжыҥъеҥже Эрик Петров ойленыт.
«Сылнымут алмаштыш» IХ Республикысе самырык автор-влакын сылнымут конкурсышт эртаралте. Тудо совет киноактёр, марий поэт Йыван Кырлан шочмыжлан 110 ий темме лӱмеш пӧлеклалтын. Самырык возкалыше-влакым Марий Эл Республикысе тӱвыра, печать да калык-влакын пашашт шотышто министрын алмаштышыже Михаил Матвеев саламлен, возымо пашаште икымше ошкылым ыштыше-шамычлан муролыкышто шке шомакан мастар лийын кушкын шогалаш тыланен. Поро мутым «Ончыко» журналын тӱҥ редакторжо Игорь Попов, «У сем» журналын тӱҥ редакторжо Людмила Ягодарова, «Кече/Солнышко» йоча журналын сылнымут редакторжо Кристина Архипова, «Ямде лий» газетын тӱҥ редакторжо Лидия Семёнова, Россий писатель ушемын йыжыҥъеҥже Эрик Петров ойленыт.
Рушла да марла возышо 162 самырык автор-влакын пашашт толын. Чылаже 300 наре рукопись толын. Конкурслан окса надыр дене Марий тӱвырам да сымыктышым вияҥдымаште поро кумылым ончыктышо «Ший памаш» фондын президентше, Россий писатель ушемын йыжыҥъеҥже Василий Краснов полшен. Кугу пашам туныктышо-шамыч вӱдат. Тиде Йошкар-Оласе 23 школын туныктышыжо Т.Н. Яргина да Бауманский лицей пелен «Лира», Кокшайск селасе «Лира» сылнымут кружок гыч (вуйлатыше – М.Э. Патрушева) поэме ден почеламутлам колтеныт. Тиде школ гычак Н.Ю. Антонова, С.А. Киреева. Шернур район Шӱдымарий школышто – С.Ф. Рыбакова, Волжский район Пєтъял школышто Л.В. Кошаева, З.Н. Лесникова, Т.В. Иванова, Медведево район Руэм школышто – Галина Валентиновна Шалаева ден А.М. Захарова, Морко район Коркатово лицейыште – В.Е. Смирнов, Медведево гимназийыште Р.И. Чендемерова ден Любовь Михайловна Шавдарова, Советский район ™шнўр школышто Зинаида Александровна Волкова, Курыкмарий район Кузнецово (Пызыкныр) школышто Ольга Сильвестровна Микрякова ден Елена Леонидовна Смирнова да молат тыршат.
C.Григорьева
К.Архипован фотожо