С. Архипова
«Уло кумылын «Кече-Солнышко» журналым лудына. Тудым ме урок годымат кучылтына. Перерыв жапыште уштодышым лончылена, фишке модыш дене модына. Мый йомакым возаш йӧратем», — ойла Дана Салихова.
С. Архипова
«Уло кумылын «Кече-Солнышко» журналым лудына. Тудым ме урок годымат кучылтына. Перерыв жапыште уштодышым лончылена, фишке модыш дене модына. Мый йомакым возаш йӧратем», — ойла Дана Салихова.
Ӱдыр шкеже Медведево гимназийыште тунемеш. Тудо моло йоча-влак семынак йоча журналлан альтернативный подпискым ышта. Кызыт гимназийыште ятыр ӱдыр-рвезе тыгай йӧн дене пайдалана. Тунемше-влак дене кугу пашам туныктышо-влак: Римма Ивановна Чендемерова ден Любовь Михайловна Шавдарова ыштат. Каласен кодыман, тыште 1 гыч 5 класс марте тунемше-влаклан юнкор кружок уло. Тушто туныктышо-влак йоча-влакым возымо сомыллан кумылаҥдат. Чÿчкыдынак Кече-Солнышко» журналын пашаеҥышт-влакым унала ÿжыт. Ик тыгай занятийыште художественный редактор Кристина Альбертовна Архипова возымо шотышто мастер-классым ончыктен (фотом ончыза).
Таче кечын Медведево гимназийыште ятыр икшыве йомакым воза. Нунын сылнымутышт «Умный заяц и хитрая лиса» йомак-влак сборникыште савыкталтын. Книган презентацийыже «Пеледыш пайрем» Россий кÿкшытан фестивальыште, Тÿвыра да каныме паркын «Костровой площадке» аланыштыже 18 июньышто 13.30 шагатлан лиеш. Йомакым возышо да чыла кумылан-влакым пагален ÿжына.