23 апрельыште У Торъял посёлкысо модельный книгагудышто «Ончыко» журналын тӱҥ редакторжо, Россий писатель ушем член, Марий Эл Республикысе Олык Ипай лӱмеш кугыжаныш самырыктукым литератур премийын лауреатше поэт Игорь Попов дене вашлиймаш эртен.
23 апрельыште У Торъял посёлкысо модельный книгагудышто «Ончыко» журналын тӱҥ редакторжо, Россий писатель ушем член, Марий Эл Республикысе Олык Ипай лӱмеш кугыжаныш самырыктукым литератур премийын лауреатше поэт Игорь Попов дене вашлиймаш эртен.
Мутланыме семын поэт илыш корныж палдарен, творческий планжым почын пуэн, йодыш-влаклан вашештен. «Миф» ансамбльын художественный вуйлатышыже да солистше Андрей Кузьминых икмыняр мурым йоҥгалтарен, Немда кыдалаш школын тунемшыже-влак Анастасия Петухова да Карина Смирнова почеламутым сылнын лудыныт. Поэтын ача-аваже, родыжо-влак тудын творчествыштыже тӱҥалтыш корнылаж нерген каласкаленыт. «Ончыко» журналын редакторжо Борис Шамиев кызытсе пашаж дене палдарен.
Игорь Попов – У Торъял районысо Човыксола ялыште шочын-кушкын. Почеламутым изиж годсек воза, тушто шочмо кундемже мокта, йӧратымаш ден гражданский лирике дечат огеш кораҥ. Вашлиймашыш районысо туныктышо, тӱвыра пашаеҥ, журналист-влак да сылнымутым йӧратыше-влак погыненыт.
Мероприятий «Встречный ход» площадке кышкарыште эртен.
Фото ден видеом книгагудын архивше гыч налме. Автор — Ксения Лебедева.
