3-10 декабрьыште «Марий книга издательстве» савыктыш пӧрт Марий тиште кече вашеш «Почмо омса кече-влак» мероприятийым эртарен. Тиде кечылаште лудшо-влак дене вашлияш лӱмлӧ писатель ден поэт-влак Анатолий Тимиркаев, Валентин Осипов-Ярча, Мария Илибаева, Валентина Изилянова, Геннадий Ояр, Анатолий Подольский, Валерий Николаев толыныт. Нунын дене вашлиймашке тыглай лудшат пуреныт, журналист-влакат коштыныт. Тыгай вашмутланымаш писатель дене лудшо кокласе кылым пеҥгыдемдаш ышталтын. Лудшо-влак писатель-влак дене мутланен, нунын илыш корнышт нерген йодыштын, творческий планышт нерген умылен, книга-влакым автограф дене налын кертыныт. Сылнымут мастар-влакланат тыглай лудшын кумылжым умылаш сай йӧн лийын.
Мероприятий гыч фотоончалтыш.
Фото-влакым Игорь Попов ыштен