Новокузнецк олаште улшо “Союз писателей” издательствыште Марий Элын калык поэтше Геннадий Оярын книгаже савыкталтын. Тушко марла да рушла почеламут-влак йыгыре верланеныт. Рушлашкыже поэт Павел Черкашин кусарен.
Книга молан лачак Новокузнецк олаште лектын? Руш поэт Павел Черкашин шкеже тысе издательстве дене пеҥгыде кылым куча, сандене у пашажымат – марий йылме гыч кусарымым – тыштак луктын.
Новокузнецк олаште улшо “Союз писателей” издательствыште Марий Элын калык поэтше Геннадий Оярын книгаже савыкталтын. Тушко марла да рушла почеламут-влак йыгыре верланеныт. Рушлашкыже поэт Павел Черкашин кусарен.
Книга молан лачак Новокузнецк олаште лектын? Руш поэт Павел Черкашин шкеже тысе издательстве дене пеҥгыде кылым куча, сандене у пашажымат – марий йылме гыч кусарымым – тыштак луктын.
“Родники родной земли” (“Шочмо мландын ший памашышт”) книгам изирак ончылмут почеш. Тудым С. Черкашина возен. Тудо тыгерак палемда: “Палыме марий автор Геннадий Оярын ныжыл йӱкан поэзийже теве адакат рушла йоҥгалте. Тугеже мемнан шуко тӱрлӧ калыкан элнан сылнымут поянлыкшын эше ик лышташыжым утларак кугу лудшо тӱшка шкаланже почын сеҥа… Ояр шке ончыланже пеш кӱлешан цельым шында – Марий Эл Республикысе поэт-влак ешын серыпле чапыштым ончыкылык тукымлан арален кодаш. Тудо марий калыкын йылмыжым да культуржым ӱшанлын аралыше семын шочмо кундемжын моторлыкшым, тудын пӱртӱсшым, шочмо мландылан вийым пуэн шогышо эҥер ден памашлажым моктен мура. Тудын калыкше – йыр улшо тӱня дене келшен илыше калык, тудо кугырак тукымым пагала, курымла дене пеҥгыдемдалт толшо илыш йӱлам да илыш куным арален шога. Вет нине тыглай чыным шуктен от шого гын, шке тӱсетат йомеш, мланде чурий гыч калыкын шкаланже гына келшыше сынже йӧршешлан ӱштылалтеш… Тиде ынже лий манын, марий сылнымутын шытен нерештше озымжо тек ончыкыжымат ужарга, муро отыжо одарланен шарла!”
Теве тыге акла руш литератор марий поэтын сылнымут саскажым.