Л. Ягодарова
Июль тӹнгӓлтӹштӹ Изи Шӹндӹр-Шӹндӹрйӓл тӹнг обшеобразовательный школ 200 иӓш лӹмгечӹжӹм пӓлемдӹш. Ти школын выпускниквлӓжӹ шукы вӓре пӓшӓлӓт, Кырык сирнӓм цилӓ вӓре лӹмлештӓрӓт. Нӹнӹ лошты ныр пӓшӓзӹвлӓ, механизатор дон вольыкым анжышывлӓ, связьӹштӹ, медицинӹштӹ, правоохранительный органышты, хозяйственный, административный дӓ партийный орган дон учрежденивлӓштӹ пӓшӓлӹшӹвлӓ, военныйвлӓ, учёныйвлӓ, спортсменвлӓ.
Июль тӹнгӓлтӹштӹ Изи Шӹндӹр-Шӹндӹрйӓл тӹнг обшеобразовательный школ 200 иӓш лӹмгечӹжӹм пӓлемдӹш. Ти школын выпускниквлӓжӹ шукы вӓре пӓшӓлӓт, Кырык сирнӓм цилӓ вӓре лӹмлештӓрӓт. Нӹнӹ лошты ныр пӓшӓзӹвлӓ, механизатор дон вольыкым анжышывлӓ, связьӹштӹ, медицинӹштӹ, правоохранительный органышты, хозяйственный, административный дӓ партийный орган дон учрежденивлӓштӹ пӓшӓлӹшӹвлӓ, военныйвлӓ, учёныйвлӓ, спортсменвлӓ.
Изи Шӹдӹр школым ӹшке жепӹштӹжӹ пӹтӓришӹ мары профессиональный режиссёр дӓ актёр (Маргостеатрын тїнг режиссёржы) А.И. Маюк-Егоров, сӹлнӹшая мастарвлӓ А.Г. Алёшкин (А.Пекпатр), Ф.Д. Данилов (Важмар), В.Г. Сильдяйкин (Силдӓй) тымень пӹтӓренӹт. Ти школышты истори наука доктор, профессорвлӓ К.Н. Сануков, А.Г. Иванов, учёныйвлӓ Р.А. Ванюкова (Стенькина), И.В. Алметева (Изинкина), самодеятельный поэтвлӓ И.И. Светлов, Е.И. Цотнайкина, композиторвлӓ В.М. Салдушкин, С.И. Метёлкина (Казакова), З.В. Петрова, спорт мастервлӓ А.Н. Замков, М.В. Якимова (Малова), М.Шкетан лӹмӓн национальный драма театрын актрисӹжӹ, «Кырык мары цӓш» радиопередачым видӹшӹ М.Г. Почтенева, «Марий Эл» ГТРК-ан телеведущийжӹ Н.Г. Пекасова, Кырык мары муниципальный район администрацин глава Н.Н. Арганякова дӓ эче шукын молат. Изи Шӹндӹр-Шӹндӹрйӓл школ тымдымашым, культурым, спортым виӓнгдӹмӓшкы кого шытырым пиштен шалга.
Школын историжӹ, виӓнгмӹ корныжы, тыменьшӹ дон тымдышывлӓ, кӹзӹтшӹ школ ӹлӹмӓш гишӓн профессор, истори наука доктор А.Г. Ивановын дӓ истори наука кандидат, доцент И.В. Алметеван «Малосундырской-Шиндыръяльской школе – 200» лїмӓн материалыштышты лыдаш лиэш, тӹдӹ «У сем» журналын 2022 ин лӓкшӹ 1-шӹ номерӹштӹжӹ пецӓтлӓлтӹн.
Фотовлӓм «У сем» журналын архившӹ гӹц нӓлмӹ дӓ А.Домрачевїн фотовлӓжӹ